Almatyda Muhtar Shahanovty aqtyq saparǵa shyǵaryp salý rásimi ótti, dep habarlaidy Dalanews.kz.
Almatydaǵy Abai atyndaǵy Qazaq ulttyq opera jáne balet teatrynda ótken qaraly jiynda ziialy qaýym ókilderi, aqynnyń jaqyndary men oqyrmandary jinaldy.
Jiyndy Qazaqstan Jazýshylar odaǵy basqarmasynyń tóraǵasy Mereke Qulkenov júrgizdi.
Prezident Qasym-Jomart Toqaevtyń kóńil aitý jedelhatyn Senat tóraǵasy Máýlen Áshimbaev jetkizdi. Hatta Muhtar Shahanovtyń qazaq poeziiasy men ulttyq rýhaniiatqa qosqan zor úlesi atap ótildi.
Máýlen Áshimbaev aqynnyń el múddesin qorǵaǵan qairatkerligine, azamattyq ustanymy men ulttyq qundylyqtardy dáripteýdegi eńbegine toqtalyp, onyń jarqyn beinesi halyq jadynda máńgi saqtalatynyn jetkizdi.
Májilis tóraǵasy sheteldik issaparda bolýyna bailanysty, onyń kóńil aitý hatyn bir top depýtat Astanadan arnaiy kelip jetkizdi.
Sonymen qatar, Muhtar Shahanovty aqtyq saparǵa shyǵaryp salý rásimine Premer-ministrdiń orynbasary - Qazaqstan Respýblikasynyń Mádeniet jáne aqparat ministri, Almaty ákimi Darhan Satybaldy qatysty.
Odan bólek, kórshiles elderdiń arnaiy ókilderi de kelip, aqyndy joqtady. Sharaǵa Qyrǵyzstannyń prezidenti Sadyr Japarovtyń keńesshisi Sholpanbek Ábiqaev qatysyp, qurmet kórsetti.
Muhtar Shahanovtyń ómir joly tek ádebietpen shektelgen joq.
Ol jýrnalistikadan bastap, saiasatqa deiingi keń aýqymda qyzmet etti. Kezinde KSRO Joǵarǵy Keńesi men Qazaqstan Parlamentinde depýtat boldy, ulttyq múdde máselelerinde batyl pozitsiiasymen tanyldy.
1986 jylǵy Jeltoqsan oqiǵasyna qatysty Kreml minberinen sóz sóilegen sanaýly tulǵalardyń biri edi.
