Almaty ákimi Darhan Satybaldy Músirepov atyndaǵy teatrdyń mańynda ornalasqan skverge bardy. Óner ordasynnyń ainalasyn kúrdeli jańartý josparlanyp otyr. Sáýletshi Nelli Lapteva qala basshysyna aýmaqty bolashaqta kórkeitý jobasyn usyndy,- dep habarlaidy Dalanews.kz
Joba aiasynda zamanaýi jaryq tartylyp, oiyn alańy ornatylady, átkenshegi bar pergola, yńǵaily demalys oryndaryn qurý sekildi jumystar júrgizilmek.
Jobamen tanysý kezinde qala basshysy keńistikti teatr taqyrybyna sai bezendirýdiń mańyzdylyǵyna toqtaldy. Bul baǵytta Áýezov atyndaǵy Qazaq ulttyq drama teatry mańyndaǵy aýmaqtyń kórkemdelý úlgisi eskerilmek.
Sáýletshi bul tujyrymdamada balalarǵa arnalǵan oiyn elementteri men interaktivti jaryq júiesi qarastyrylǵanyn atap ótti. Jaryq qurylǵylar qimyl-qozǵalys kezinde, adam júrgende avtomatty túrde janady.
Jumys saparynyń sońynda ákim Gogol kóshesindegi bir aýlaǵa bardy. Munda «Halyq qatysatyn biýdjet» baǵdarlamasy aiasynda infraqurylym jańartylyp jatyr. Darhan Satybaldy turǵyndarmen tildesip, pikirin tyńdady. Almatylyqtar usynystarynyń eskerilgenin jáne jumystardyń sapasyna kóńili tolatynyn jetkizdi.
