Almatyda mopedter jappai aiyp turaǵyna qoiylyp jatyr, – dep habarlaidy Dalanews.kz.
Mopedterdi paidalanýdyń biyl 5 sáýirde kúshine engen jańa erejelerin saqtaýǵa erekshe nazar aýdarylyp otyr.
Ózgeristerge sáikes endi moped júrgizýshilerinen "A" sanatyndaǵy júrgizýshi kýáligi, kólikti tirkeý, saqtandyrý polisi jáne memlekettik nómir bolýy talap etiledi.
Ózgerister kúshine engeli Almatyda 4 myńǵa jýyq moped júrgizýshisi ákimshilik jaýapkershilikke tartylǵan.
Sonymen qatar, jol qozǵalysy erejelerin óreskel buzǵany úshin, onyń ishinde kólikti kýáliksiz, memlekettik nómirsiz basqarǵan, qaýipsizdik talaptaryn buzǵan 1,5 myńǵa jýyq moped mamandandyrylǵan aiyppul turaǵyna qoiyldy.
"Biz "Qaýipsiz jol" JAI ekinshi kezeńi aiasynda maqsatty profilaktikalyq jumystardy jalǵastyryp jatyrmyz. Negizgi nazar moped júrgizýshilerinde, sebebi jol qozǵalysyna qatysýshylardyń bul sanaty kóbine qarapaiym qaýipsizdik erejelerin elemeidi", - dedi Almaty qalasy PD jergilikti politsiia qyzmeti basqarmasynyń bastyǵy Serik Shýmaev.
