Almatyda memleketke milliondaǵan teńge kólemindegi qarajat qaitaryldy, dep habarlaidy Dalanews.kz.
Prokýratýra málimetinshe, "Metropoliten" KMK-nyń laýazymdy tulǵalary merdiger uiymdardyń basshylarymen jáne qyzmetkerlerimen aldyn ala sóz bailasý arqyly Almaty qalasynda metropoliten salýǵa jáne jabdyqtaýǵa bólingen biýdjet qarajatyn asa iri mólsherde jymqyrý shemasyn uiymdastyrǵan.
Almaly aýdandyq sotynyń úkimimen "Metropoliten" KMK-nyń jáne merdiger uiymnyń 10 laýazymdy tulǵasy múlkin tárkileý, uzaq merzimge bas bostandyǵynan aiyrý, keltirilgen zalaldy ortaq tártippen óndirý jazasyna kesilgen.
Kassatsiialyq tártippen sot aktisiniń zańdylyǵyn tekserý barysynda jymqyrylǵan qarajattyń 127 mln teńgesi basqa zańdy tulǵanyń bank shotynan anyqtaldy. Prokýrordyń kassatsiialyq narazylyǵy boiynsha sot aktileri ózgertilip, kórsetilgen qarajat memleket kirisine óndirilgen.
