الماتىدا مەملەكەتكە ميلليونداعان تەڭگە كولەمىندەگى قاراجات قايتارىلدى، دەپ حابارلايدى Dalanews.kz.
پروكۋراتۋرا مالىمەتىنشە، "مەتروپوليتەن" كمك-نىڭ لاۋازىمدى تۇلعالارى مەردىگەر ۇيىمداردىڭ باسشىلارىمەن جانە قىزمەتكەرلەرىمەن الدىن الا ءسوز بايلاسۋ ارقىلى الماتى قالاسىندا مەتروپوليتەن سالۋعا جانە جابدىقتاۋعا بولىنگەن بيۋدجەت قاراجاتىن اسا ءىرى مولشەردە جىمقىرۋ سحەماسىن ۇيىمداستىرعان.
المالى اۋداندىق سوتىنىڭ ۇكىمىمەن "مەتروپوليتەن" كمك-نىڭ جانە مەردىگەر ۇيىمنىڭ 10 لاۋازىمدى تۇلعاسى مۇلكىن تاركىلەۋ، ۇزاق مەرزىمگە باس بوستاندىعىنان ايىرۋ، كەلتىرىلگەن زالالدى ورتاق تارتىپپەن ءوندىرۋ جازاسىنا كەسىلگەن.
كاسساسيالىق تارتىپپەن سوت اكتىسىنىڭ زاڭدىلىعىن تەكسەرۋ بارىسىندا جىمقىرىلعان قاراجاتتىڭ 127 ملن تەڭگەسى باسقا زاڭدى تۇلعانىڭ بانك شوتىنان انىقتالدى. پروكۋروردىڭ كاسساسيالىق نارازىلىعى بويىنشا سوت اكتىلەرى وزگەرتىلىپ، كورسەتىلگەن قاراجات مەملەكەت كىرىسىنە وندىرىلگەن.
