4 maýsym – Memlekettik rámizder kúnine oraı Almatyda «Batyr» Prezıdenttik polkiniń arnaıy toby Tý kóterý saltanatty rásimin ótkizdi, – dep habarlaıdy Dalanews.kz 

Patrıottyq is-shara taý baýraıyndaǵy «Medeý» sport kesheninde uıymdastyryldy. Saltanatty rásimge qala ákimi Darhan Satybaldymen qatar, mádenıet pen sport qaıratkerleri, qoǵam belsendileri, Qazaqstan Halqy Assambleıasynyń jáne jastar uıymdarynyń ókilderi qatysty.

Qazaqstan Respýblıkasynyń Memlekettik Týy kókke kóteriler tusta B. Baıqadamov atyndaǵy hor kapelasy men Almaty garnızonynyń úrlemeli orkestri Memlekettik Ánurandy oryndady.

Al, saltanatty is-sharadan keıin kópshiliktiń nazaryna qaladaǵy jetekshi shyǵarmashylyq ujymdar men ónerpazdardyń qatysýymen konserttik baǵdarlama usynyldy.

Kórermen «Qazaqstanym», «Otan», «Týǵan jer», «Týǵan jerim tamasha», «Súıikti elim», «Men Qazaqpyn», «Uly dala», «Qazaǵym», «Atameken» syndy birqatar patrıottyq ári estradalyq kompozısıany tyńdady.

Qosa keteıik, Memlekettik rámizder kúnine arnalǵan merekelik is-sharalar qala aýdandarynda jalǵasyp jatyr.