4 ماۋسىم – مەملەكەتتٸك رەمٸزدەر كٷنٸنە وراي الماتىدا «باتىر» پرەزيدەنتتٸك پولكٸنٸڭ ارنايى توبى تۋ كٶتەرۋ سالتاناتتى رەسٸمٸن ٶتكٸزدٸ, – دەپ حابارلايدى Dalanews.kz
پاتريوتتىق ٸس-شارا تاۋ باۋرايىنداعى «مەدەۋ» سپورت كەشەنٸندە ۇيىمداستىرىلدى. سالتاناتتى رەسٸمگە قالا ەكٸمٸ دارحان ساتىبالدىمەن قاتار, مەدەنيەت پەن سپورت قايراتكەرلەرٸ, قوعام بەلسەندٸلەرٸ, قازاقستان حالقى اسسامبلەياسىنىڭ جەنە جاستار ۇيىمدارىنىڭ ٶكٸلدەرٸ قاتىستى.
قازاقستان رەسپۋبليكاسىنىڭ مەملەكەتتٸك تۋى كٶككە كٶتەرٸلەر تۇستا ب. بايقاداموۆ اتىنداعى حور كاپەللاسى مەن الماتى گارنيزونىنىڭ ٷرلەمەلٸ وركەسترٸ مەملەكەتتٸك ەنۇراندى ورىندادى.
ال, سالتاناتتى ٸس-شارادان كەيٸن كٶپشٸلٸكتٸڭ نازارىنا قالاداعى جەتەكشٸ شىعارماشىلىق ۇجىمدار مەن ٶنەرپازداردىڭ قاتىسۋىمەن كونتسەرتتٸك باعدارلاما ۇسىنىلدى.
كٶرەرمەن «قازاقستانىم», «وتان», «تۋعان جەر», «تۋعان جەرٸم تاماشا», «سٷيٸكتٸ ەلٸم», «مەن قازاقپىن», «ۇلى دالا», «قازاعىم», «اتامەكەن» سىندى بٸرقاتار پاتريوتتىق ەرٸ ەسترادالىق كومپوزيتسييانى تىڭدادى.
قوسا كەتەيٸك, مەملەكەتتٸك رەمٸزدەر كٷنٸنە ارنالعان مەرەكەلٸك ٸس-شارالار قالا اۋداندارىندا جالعاسىپ جاتىر.
