Almatyda túnde lai kóshkini júrip, turǵyn úilerge zaqym keldi. Tótenshe jaǵdailar departamenti ókiliniń sózinshe, úilerdiń birinde 4 adam bolýy múmkin degen aqparat túsken. Zardap shekken otbasynyń dosy Orda.kz tilshilerine úide, rasynda da, 4 adam baryn rastaǵan, - dep habarlaidy Dalanews.kz.
Onyń sózinshe, bul otbasy burynnan taý bókterindegi qurylys týraly bilikke júginip júrgen.
"Olar bul jerde qaýipti ekenin aityp júrdi. Keńestik kezde salynǵan úi", - deidi ol.
Almaty ákimdigi málimetinshe, 8 aqpanda saǵat 02-20-da "Taý Samaly" Medeý aýdany, Olimpiiskaia kóshesiniń boiynda tehnogendik topyraqtyń lailanýy saldarynan lai kóshkini júrgen.
Oqiǵa ornynda "Qazsseldenqorǵaý" MM, Almaty qalasy "109 qutqarý qyzmeti" Respýblikalyq jedel-qutqarý jasaǵy, Almaty q. TJD, jedel járdem brigadasy, Medeý aýdany ákimdiginen 160 adam jáne 30 tehnika jumys istep jatyr.
