الماتىدا تۇندە لاي كوشكىنى ءجۇرىپ، تۇرعىن ۇيلەرگە زاقىم كەلدى. توتەنشە جاعدايلار دەپارتامەنتى وكىلىنىڭ سوزىنشە، ۇيلەردىڭ بىرىندە 4 ادام بولۋى مۇمكىن دەگەن اقپارات تۇسكەن. زارداپ شەككەن وتباسىنىڭ دوسى Orda.kz تىلشىلەرىنە ۇيدە، راسىندا دا، 4 ادام بارىن راستاعان، - دەپ حابارلايدى Dalanews.kz.
ونىڭ سوزىنشە، بۇل وتباسى بۇرىننان تاۋ بوكتەرىندەگى قۇرىلىس تۋرالى بيلىككە جۇگىنىپ جۇرگەن.
"ولار بۇل جەردە ءقاۋىپتى ەكەنىن ايتىپ ءجۇردى. كەڭەستىك كەزدە سالىنعان ءۇي"، - دەيدى ول.
الماتى اكىمدىگى مالىمەتىنشە، 8 اقپاندا ساعات 02-20-دا "تاۋ سامالى" مەدەۋ اۋدانى، وليمپييسكايا كوشەسىنىڭ بويىندا تەحنوگەندىك توپىراقتىڭ لايلانۋى سالدارىنان لاي كوشكىنى جۇرگەن.
وقيعا ورنىندا "قازسسەلدەنقورعاۋ" مم، الماتى قالاسى "109 قۇتقارۋ قىزمەتى" رەسپۋبليكالىق جەدەل-قۇتقارۋ جاساعى، الماتى ق. تجد، جەدەل جاردەم بريگاداسى، مەدەۋ اۋدانى اكىمدىگىنەن 160 ادام جانە 30 تەحنيكا جۇمىس ىستەپ جاتىر.
