Almaty ákimi Darhan Satybaldy qalanyń kóshkin qaýpi bar ýchaskelerinde júrgizilip jatqan jumystar boiynsha keńes ótkizdi, - dep habarlaidy Dalanews.kz
Seismikalyq qaýipsizdik jáne jumyldyrý daiyndyǵy basqarmasynyń basshysy Erik Jumabai baiandama jasady. Basqarma basshysynyń málimetinshe, qala sheginde kóshkin qaýpi bar ýchaskeler anyqtalǵan. Tótenshe jaǵdailardyń aldyn alý maqsatynda birqatar ýchaskede injenerlik jumystar bastalyp, tehnikalyq sheshimder ázirlenip, turaqty monitoring júrgizilip jatyr.
Jumys komissiiasynyń málimetinshe, 2024 jyly Almatyda 28 kóshkin qaýpi bar ýchaske anyqtalǵan. Onyń 14-de aýdan ákimdikteriniń qarjysy esebinen nyǵaitý jumystary aiaqtaldy. Bes nysan boiynsha jerdi satyp alý rásimi júrgiziledi. Taǵy tórteýinde qala qurylysyn baqylaý basqarmasynyń talaby boiynsha menshik ieleri betkeilerdi nyǵaitý boiynsha jumystar júrgizip jatyr.
2025 jyly eń qaýipti 9 ýchaskedegi tótenshe jaǵdailardy joiý jospary bekitildi. Olardyń árqaisysy boiynsha Geografiia jáne sý qaýipsizdigi institýtynyń saraptamalyq qorytyndysy alyndy.
Qaýipti nysandardyń qataryna «Medeý» muz aidynynyń janyndaǵy betkei, Medeý aýdanyndaǵy Shymbulaq pen Keńsai-2-degi avtojol, Bostandyq aýdanyndaǵy Alma-Arasan joly; Naýryzbai aýdanyndaǵy Ýsikov kóshesi jáne «Aqjartaý» baý-baqsha qoǵamy, sondai-aq. Jetisý aýdanyndaǵy Kemel shaǵynaýdanyndaǵy zirat janyndaǵy ózen arnasy, Qojamiiarov kóshesi bar.
Is-sharalar keshenine tireý qabyrǵalaryn salý, trostyq-torly qurylymdardy montajdaý, sý burý arnalary men ózen arnalaryn nyǵaitý kiredi. Keńeske TJD, Qazseldenqorǵaý, Geografiia institýty, aýdan ákimdikteri men tiisti basqarmalardyń ókilderi qatysty.
Qala ákimi jobalyq-smetalyq qujattamany ázirleýdi aiaqtaýdy, ásirese, turǵyn úiler men kólik infraqurylymyna irgeles ýchaskelerde sharalardy iske asyrýǵa kirisýdi tapsyrdy.
«Kóshkin qaýpi bar árbir ýchaske aýdan ákimderiniń jeke baqylaýynda bolýǵa tiis. Bul jai ǵana abattandyrý máselesi emes, bul turǵyndardyń qaýipsizdik máselesi», – dedi Darhan Satybaldy.
Keńes qorytyndysy boiynsha monitoringti kúsheitý, jobalyq rásimderdi jedeldetý jáne tótenshe qyzmetpen úilestirý jóninde tapsyrma berildi.
