Almatyda kontrafakt oıynshyqtardyń aınalymy toqtatyldy,- dep habarlaıdy Dalanews.kz
"Kontrafakt" jedel-aldyn alý is-sharasy aıasynda Almaty qalasy PD kıberqylmysqa qarsy kúres basqarmasy jáne ádilet departamentiniń qyzmetkerleri qaladaǵy saýda oryndary men qoımalarǵa reıd júrgizdi.
Tekserýge bir kompanıanyń óz taýar tańbalarynyń zańsyz paıdalanylǵany týraly resmı ótinishi negiz boldy. Nátıjesinde qaladaǵy birneshe bazar men qoımadan túpnusqaǵa uqsas jalǵan konstrýktorlardyń partıalary anyqtaldy. Barlyǵy 2 mıllıon teńgeden astam sommaǵa 1 myńnan asa jalǵan ónim tárkilendi.
- Kontrafakt tek brendterdiń quqyqtaryn buzyp qana qoımaıdy, eń aldymen tutynýshylarǵa, ásirese balalarǵa arnalǵan taýarlar týraly bolǵanda, tikeleı qaýip tóndiredi. Mundaı ónimder ýly, sapasyz nemese jaraqat keltirýi múmkin. Biz osyndaı quqyq buzýshylyqtardyń jolyn kesý boıynsha jumysty kúsheıtýdemiz, – dedi Almaty qalasy PD kıberqylmysqa qarsy kúres basqarmasy bastyǵynyń orynbasary Erkebulan Qoıshybaev.
Tárkilengen taýarlar sapasyz, tańbalanbaı, óndirýshi týraly aqparatsyz bolǵan. Birlesken is-sharalardyń qorytyndysy boıynsha jınalǵan materıaldar sotqa joldandy.
