30 tamyz 2025 jyly Almatydaǵy Abai alańynda Qazaqstan Konstitýtsiiasynyń 30 jyldyǵyna arnalǵan saltanatty is-shara ótedi,- dep habarlaidy Dalanews.kz
Resmi bólim 18:00-de Memlekettik Týdy shyǵaryp, Ánurandy oryndaýmen bastalady.
Kórermender úshin 200-den astam artist qatysatyn teatrlandyrylǵan qoiylym usynylady. Onda eńbek adamdarynyń beinesi, áskeri qyzmetkerler men memlekettik Týdy alyp shyǵatyn toptar kórinis tabady. Mýzykalyq súiemeldeýdi opera jáne estrada ánshileri Memlekettik hor kapellasymen birge oryndaidy.
Sahnaǵa Roza Rymbaeva, Tamara Asar, Janar Aijanova, Aigúl Qosanova, IL Canto kvarteti, «MýzArt Life» toby, Áli Oqapov, Temirlan & Yernat, Zarina Altynbaeva, Rústem Nurjigit, Aqbota-Nur Seitmaǵambet, Ernazar Juban, «Sazgen sazy» etnoansambli jáne AL Jazz Symphony estradalyq-simfoniialyq orkestri shyǵady.
Mereke ashyq aspan astyndaǵy spektaklmen jalǵasady. 19:00-de Respýblika saraiynyń aldynda ańyzǵa ainalǵan Asanáli Áshimov negizin qalaǵan «Jańa ǵasyr» teatry «Almaty – mahabbatym» atty mýzykalyq qoiylymdy sahnalaidy.
20:00-de osy alańda «Almaty áýenderi» kontserti ótedi. Onda Saiat Nurǵazin, Abik Jeksen, Kyle Ruh, Injý Anýarbek, Dimash Dáýletov, Beibitgúl Nurymqojina, «Arqaiym» dýeti, Eldar Omarov, Tahmina Ashimbekova, Dáýren Baibóri, Dálel Ýáshev jáne ASU folklorlyq-etnografiialyq ansambli óner kórsetedi.
Open-air kontserttiń hedlainerleri – Yenlik pen Qairat Nurtas. Baǵdarlama 22:00-de aiaqtalady.
Sonymen qatar, 27–29 tamyz kúnderi qala aýdandarynda kontsertter, konferentsiialar jáne mádeni baǵdarlamalar ótedi:
– Jetisý aýdany, Mádeniet úii (Kemel yqshamaýdany) – 27 tamyz, 11:00. Saltanatty kontsert «Táýelsiz eldiń tuǵyry – Ata Zań».
– Almaly aýdany, Arbat (Jibek joly dańǵyly, 100) – 28 tamyz, 16:00. Merekelik kontsert «30 jyl el tiregi – Ata Zań».
– Bostandyq aýdany, ál-Farabi atyndaǵy QazUÝ akt zaly – 28 tamyz, 15:00. Saltanatty kontsert.
– Alataý aýdany, Atletikalyq aýyl (Nurkent-5) – 29 tamyz, 17:00. Merekelik kontsert.
– Áýezov aýdany, «Narhoz» ýniversitetiniń akt zaly (Jandosov kóshesi, 55) – 29 tamyz, 15:00. Kontsert «Ata Zań – Táýelsiz el tuǵyry».
– Naýryzbai aýdany, ákimdik ǵimaraty janyndaǵy amfiteatr (Shuǵyla yqshamaýdany, 347) – 29 tamyz, 16:00. Kontserttik baǵdarlama.
– Medeý aýdany, Oqýshylar saraiy (Dostyq dańǵyly, 124) – 29 tamyz, 11:00. Merekelik kontsert.
– Túrksib aýdany, №6 Oqýshylar úii (Seifýllin dańǵyly, 13/1) – 29 tamyz, 11:00. Saltanatty kontsert.
Sonymen birge, 29 tamyz kúni saǵat 11:00-de Dostyq úiinde máslihat depýtattary, Qoǵamdyq keńes ókilderi, tarihshylar men sarapshylardyń qatysýymen ǵylymi-tájiribelik konferentsiia ótedi.
