Almaty qalasynyń Sybaılas jemqorlyqqa qarsy qyzmeti, Komplaens jáne iskerlik etıka qaýymdastyǵy men Narhoz ýnıversıteti birlese otyryp, jyl saıynǵy komplaens jáne iskerlik etıka máseleleri boıynsha forým ótkizdi, - dep habarlaıdy Dalanews.kz. 

İs-sharaǵa kvazımemlekettik jáne jeke sektordan 250-den astam ókil qatysty.
Forým qatysýshylary salanyń basty máselelerin talqylap, komplaens jáne korporatıvtik basqarýdaǵy etıka júıesin damytýǵa arnalǵan tájirıbe men praktıkalyq quraldarmen bólisti.

Forýmda Parlament senatory Janna Asanova, «Atameken» UKP basqarma tóraǵasynyń orynbasary Gúlnara Bıjanova, sondaı-aq ártúrli salalardan 20-dan astam sarapshy baıandama jasady.

Sonymen qatar, Almaty qalasynyń Sybaılas jemqorlyqqa qarsy qyzmetiniń Prevensıa basqarmasynyń basshysy Qanat Salımbaev jas komplaens-ofıserlerge komplaens ınstıtýtynyń maqsattary men quqyqtyq negizderin tanystyrdy.

İs-shara sońynda bıylǵy jyly jumysynda joǵary nátıjelerge qol jetkizgen komplaens qyzmetteri marapattaldy.