الماتى قالاسىنىڭ سىبايلاس جەمقورلىققا قارسى قىزمەتى، كومپلاەنس جانە ىسكەرلىك ەتيكا قاۋىمداستىعى مەن نارحوز ۋنيۆەرسيتەتى بىرلەسە وتىرىپ، جىل سايىنعى كومپلاەنس جانە ىسكەرلىك ەتيكا ماسەلەلەرى بويىنشا فورۋم وتكىزدى، - دەپ حابارلايدى Dalanews.kz.
ءىس-شاراعا كۆازيمەملەكەتتىك جانە جەكە سەكتوردان 250-دەن استام وكىل قاتىستى.
فورۋم قاتىسۋشىلارى سالانىڭ باستى ماسەلەلەرىن تالقىلاپ، كومپلاەنس جانە كورپوراتيۆتىك باسقارۋداعى ەتيكا جۇيەسىن دامىتۋعا ارنالعان تاجىريبە مەن پراكتيكالىق قۇرالدارمەن ءبولىستى.
فورۋمدا پارلامەنت سەناتورى جاننا اسانوۆا، «اتامەكەن» ۇكپ باسقارما ءتوراعاسىنىڭ ورىنباسارى گۇلنارا بيجانوۆا، سونداي-اق ءارتۇرلى سالالاردان 20-دان استام ساراپشى بايانداما جاسادى.
سونىمەن قاتار، الماتى قالاسىنىڭ سىبايلاس جەمقورلىققا قارسى قىزمەتىنىڭ پريەۆەنسيا باسقارماسىنىڭ باسشىسى قانات ساليمبايەۆ جاس كومپلاەنس-وفيسەرلەرگە كومپلاەنس ينستيتۋتىنىڭ ماقساتتارى مەن قۇقىقتىق نەگىزدەرىن تانىستىردى.
ءىس-شارا سوڭىندا بيىلعى جىلى جۇمىسىندا جوعارى ناتيجەلەرگە قول جەتكىزگەن كومپلاەنس قىزمەتتەرى ماراپاتتالدى.
