Almatyda bul kúnderi deratızasıa belsendi júrgizilýde — qala aýmaǵyn qamtıtyn kemirgishtermen aýqymdy kúres. İs – shara «Taza Qazaqstan» jalpy respýblıkalyq baǵdarlamasy jáne «Almaty-bizdiń ortaq úıimiz» qalalyq naýqany aıasynda ótýde, dep habarlaıdy Dalanews.kz
2025 jylǵy 5 naýryzdan 5 sáýirge deıin Almatynyń segiz aýdanynda jalpy aýdany 47 myń gektardan astam jasyl aımaqtardy, ózender men sý aıdyndarynyń jaǵalaýlaryn, aryq jelilerin, qoǵamdyq kólik aıaldamalaryn, konteınerlik alańdardy jáne jeke úılerdiń jer ýchaskelerin óńdeý ótedi. Jeke sektordyń turǵyndary ony paıdalaný jónindegi nusqaýlyqpen birge ýly jemdi tegin ala alady.
Deratızasıa juqpaly aýrýlardyń taralýyn boldyrmaý maqsatynda jyl saıyn kóktemde jáne kúzde júrgiziledi. Kemirgishtermen kúresý aıasynda deratızasıadan basqa, qoqystardy únemi joıý, káriz kolektorlaryn jóndeý jáne jertóleler men qosalqy bólmelerdi taza ustaý jumystary júrgizilip jatqanyn atap ótken jón, bul kemirgishterdiń sanyn tıimdi baqylaýǵa múmkindik beredi.
2025 jylǵy 10-16 naýryz aralyǵynda «Almaty – bizdiń ortaq úıimiz» - «Taza saıabaqtar men skverler» naýqanynyń ekinshi aptasy aıasynda qoǵamdyq keńistikterdi abattandyrýǵa, kógaldandyrýǵa jáne qoqystardy jınaýǵa baǵyttalǵan aýqymdy ekologıalyq aksıalar ótedi. Aksıaǵa 445 saıabaq pen skver, sondaı-aq ózen jaǵalaýlary men kanaldar qatysady. Sondaı-aq, bilim berý dáristeri, qaldyqtardy bólek jınaý boıynsha sheberlik synyptary jáne ploggıng jáne merzimi ótken dári-dármekterdi tapsyrý sıaqty ekologıalyq aksıalar josparlanýda.
«Almaty – bizdiń ortaq úıimiz» naýqany ekologıalyq habardarlyqty arttyrýǵa jáne qala turǵyndary arasynda qorshaǵan ortaǵa jaýapkershilikpen qaraýdy qalyptastyrýǵa baǵyttalǵan.
