Qaýlyǵa sáıkes, 15 qyrkúıekten bastap mádenıet nysandary (adamdar sany 30-dan aspaıtyn jeke jáne toptyq jattyǵýlar), kitaphanalar men mýzeıler (ǵımarattyń tolýy 50 paıyzdan aspaýy tıis) jumys isteı bastaıdy.
Bul rette, maska taǵý rejımi jáne áleýmettik qashyqtyq saqtalyp, sanıtarlyq-dezınfeksıalyq sharalar qatań júrgizilýi, jeldetý júıeleri irkilissiz jumys isteýi qajet.
Ata-analardyń ótinishi boıynsha bilim berý uıymdarynda 3-4 synyptardyń kezekshilik toptary jumys isteıtin boldy. Bul rette, synyptaǵy balalar sanyn 15-ten asyrmaý jáne sanıtarlyq normalardy qatań saqtaý talaby qoıylylǵan.
«Qaýlyny uıymdastyrýshylyq-quqyqtyq formasyna jáne qandaı vedomstvo quramyna kiretinine qaramastan barlyq zańdy tulǵalar oryndaýǵa mindetti. Qaýly qol qoıylǵan kúnnen bastap kúshine enedi» delingen Almaty qalalyq Bas sanıtar dárigeri Jandarbek Bekshın qol qoıǵan qujatta.
