Almatyda jer silkinisine bailanysty sabaqtar bolmaidy, - dep habarlaidy Dalanews.kz.
Búgin Almatyda 5 ball jer silkinisi boldy. Osyǵan bailanysty mektep oqýshylary men stýdentter sabaqtan bosatyldy.
Oqý-aǵartý ministrliginiń baspasóz qyzmeti ókilderiniń málimetinshe, mektepter men balabaqshalar jabylmaǵan.
"Mektepter men balabaqshalar jabylmady. Ata-analar qalasa, balalaryn úilerine alyp kete alady. Mektepter - azamattardy qabyldaý pýnkti, sondyqtan ata-analar jumysta bolsa, balalar mektepte qala alady", - deidi vedomstvo ókili.
Al ǵylym jáne joǵary bilim ministrligi ókilderi joǵarǵy oqý oryndarynda stýdentter úilerine jáne jataqhanalaryna jiberilgenin aitty.
"Zardap shekken stýdentter joq, olar evakýatsiialandy. Búgingi sabaqtar bolmaityn boldy. Qazir ministr Saiasat Nurbektiń tapsyrmasymen jataqhanalarǵa kezekshiler qoiyldy. Kezekshiler stýdentterge jyly kiim, sý, taǵam kerek bolǵan jaǵdaida tolyq baqylaýǵa alady, qajet zattarmen qamtamasyz etedi", - dedi olar.
