Almaty politsiiasy jer silkinisi týraly jalǵan aqparat taratqan adamnyń ustalǵany týraly málimdedi, - dep habarlaidy Dalanews.kz.
Politsiia departamentiniń baspasóz qyzmetiniń habarlaýynsha, bir kún buryn tártip saqshylary jalǵan aqparat taratty degen kúdiktini qolǵa túsirgen. Onyń 1985 jyly týǵan áiel ekeni anyqtaldy. Kúdiktiniń áreketine aldaǵy ýaqytta quqyqtyq baǵa beriledi.
Sonymen qatar politsiia aqparattyq-kommýnikatsiialyq júieler arqyly jalǵan aqparat taratý qylmystyq jaýapkershilikke ákep soǵatynyn eske saldy.
“Osyndai keleńsiz jaittarǵa bailanysty azamattardy beimálim ári kúmán týdyrýy múmkin jalǵan aqparattyń taralýyna jol bermeýge, sonymen qatar tek resmi derekkózderden alynǵan derekterdi basshylyqqa alýǵa shaqyramyz” - dep tolyqtyrdy vedomstvo.
Esterińizge salaiyq, 23 qańtar kúni jer silkinisinen keiin almatylyqtardyń chattarynda tańǵy beste ekinshi ret jer silkinisi bolady degen aqparat tarai bastady. Al endi biri QazUÝ jataqhanalary men basqa da ǵimarattardyń qiraǵany týraly habarlaǵan bolatyn.
Osyǵan bailanysty politsiia jalǵan habarlama taratqan avtorlardy anyqtai bastady. Almatyda seismikalyq qaýipsizdik máselelerine arnalǵan keńeste prezident Qasym-Jomart Toqaev ta jer silkinisi týraly jalǵan aqparat taratqandardy jaýapkershilikke tartýdy tapsyrdy.
Aita keteiik, ustalǵan áiel Qylmystyq kodekske sáikes “Buqaralyq aqparat quraldaryn paidalana otyryp, qoǵamdyq tártipti buzý jáne jalǵan aqparat taratý arqyly azamattardyń quqyqtary men zańdy múddelerine aitarlyqtai ziian keltirdi” degen aiyp arqalaýy múmkin.
Nátijesinde, jalǵan aqparat avtoryna 3 myń ailyq eseptik kórsetkish mólsherinde aiyppul salynýy múmkin. Ne sol mólsherde túzeý jumystaryna, ne 800 saǵatqa deiin qoǵamdyq jumystarǵa, ne úsh jylǵa deiin erkindigin shekteýge, ne úsh jylǵa deiin bas bostandyǵynan aiyrylýy múmkin.
