Almatyda prokýrorlyq qadaǵalaý nátijesinde bir jeke sot oryndaýshy memlekettik litsenziiasynan aiyryldy, dep habarlaidy Dalanews.kz.
Almaty qalasy prokýratýrasynyń málimetinshe, atqarýshylyq zańnamanyń saqtalýyn tekserý barysynda áleýmettik mańyzy bar ister boiynsha birqatar zań buzýshylyq anyqtalǵan.
"Atap aitqanda, aliment óndirip alýmen bailanysty 6 atqarýshylyq is júrgizý boiynsha buzýshylyqtar anyqtaldy. Sot oryndaýshysy is júrgizýlerdi bir óńirden ekinshi óńirge negizsiz joldai otyryp, jasandy jolmen sozbalańdyqqa salǵan. Sondai-aq tyiym salýlardy zańsyz alyp tastaý, bereshekterdi óndirip alý boiynsha sharalardy ýaqtyly qabyldamaý jáne ýákiletti organdardyń talaptaryn elemeý jaǵdailary anyqtaldy", - dep habarlady Almaty qalasynyń prokýratýrasy.
Eske salaiyq, buǵan deiin ShQO-da buzaqylyq jasaǵan sýdia jazadan qutylyp ketkeni týraly jazǵan edik.
Bir jyl buryn Óskemen qalasynda Mamandandyrylǵan aýdanaralyq ekonomikalyq sottyń tóraǵasy Ernar Erbolatovtyń ustalǵany belgili boldy. BAQ málimetinshe, ol kólikterdi zaqymdady jáne quqyq buzýshylyqty toqtatýǵa tyrysqan adamdarǵa qarsylyq kórsetti degen kúdikke ilingen.
Sot protsesi 2024 jyldyń jazynda bastaldy.
Shyǵys Qazaqstan oblysy prokýrorynyń orynbasary Erlan Andabaev Nege.aqsha-nyń resmi saýalyna jaýap retinde sot otyrysynyń basynda sottalýshy Erbolatov pen jábirlenýshiler taraptardyń tatýlasýyna bailanysty isti toqtatý týraly ótinish bildirgenin habarlady. Sot bul ótinishti ári qarai sot talqylaýyn ótkizbesten qanaǵattandyrdy.
"Aita ketý kerek, memlekettik aiyptaýshy isti toqtatýǵa qarsy boldy. Alaida, 2024 jylǵy 6 tamyzda Óskemen qalasynyń №2 sotynyń qaýlysymen Erbolatov E. Qylmystyq kodekstiń 293-baby, 2-bóligi boiynsha qylmystyq jaýapkershilikten bosatylyp, qylmystyq is Qylmystyq is júrgizý kodeksiniń 35-baby, 1-bóligi, 12-tarmaǵy jáne Qylmystyq kodekstiń 68-baby, 3-bóligi negizinde toqtatyldy", – dep habarlady prokýratýra.
Sot sheshimimen kelispegen prokýror qaýlynyń kúshin joiyp, qylmystyq isti máni boiynsha jańa sot talqylaýyna jiberý týraly ótinish jasady. Alaida, ShQO qylmystyq ister jónindegi sot alqasy 26 tamyzda birinshi satydaǵy sottyń qaýlysyn ózgerissiz qaldyrdy.
Aita keteiik, qazir ShQO Mamandandyrylǵan aýdanaralyq ekonomikalyq sotynyń resmi saitynda tóraǵa mindetin atqarýshy retinde basqa adam – Tólegen Turǵambaev kórsetilgen.
