Ǵylym jáne joǵary bilim ministrligi men Almaty qalasy ákimdiginiń bastamasymen stýdentterdi jataqhanamen qamtamasyz etý maqsatynda Qazaq ulttyq qyzdar pedagogikalyq ýniversitetiniń bazasynda Ahýaldyq ortalyq ashyldy,- dep habarlaidy Dalanews.kz
Atalǵan ortalyq Almaty qalasy, Bógenbai batyr kóshesi 142 mekenjaiynda ornalasqan ýniversitet ǵimaratynyń aýmaǵynda ornalasqan. Ǵylym jáne joǵary bilim ministri Saiasat Nurbek atalǵan ortalyq jataqhanadan oryn taba almaǵan stýdentterge kómek kórsetetinin aitty.
-Ár joǵary oqý ornynyń janynan arnaiy tsifrlyq platforma quryldy. Ol otandyq joǵary oqý oryndarynyń 80%-ynda bar. Aita keteiik, Narhoz jáne Satbayev University-de stýdent jataqhanadan bólmeni, oryndy ózi tańdaidy. Al jataqhanadan oryn ala almaǵan stýdentter Qazaq ulttyq qyzdar pedagogikalyq ýniversitetiniń bazasynda ashylǵan Ahýaldyq ortalyqtyń kómegine júgine alady. Sondai-aq Almatyda bos oryn taba almai qiyn jaǵdaiǵa tap bolǵan stýdentterge ýniversitettermen birlese tótenshe jaǵdaiǵa arnalǵan 55 arnaiy bólme daiyndadyq, – dedi ministr.
Ortalyqta 10 tolyqqandy jumys orny bar. Arnaiy jumys orny zamanaýi kompiýterlermen, bailanys quraldarymen, tsifrlyq derekqorlarǵa qoljetimdilikpen jáne joǵary oqý oryndarymen jedel bailanys arnalaryna (bir nómirge bir ýaqytta qosylatyn 10 bailanys jelisi) qosylǵan júiemen jabdyqtalǵan. Sonymen qatar ortalyqta jinalystar men brifingter ótkizýge arnalǵan konferents-zal, kelýshilerge arnalǵan kútý jáne demalys aimaǵy men oqý buryshy qarastyrylǵan.
Ministrdiń aitýy boiynsha, jataqhana máselesin sheshý úshin elimizde arnaiy normativtik sýbsidiialar ulǵaityldy, jekemenshik merdigerlerdi, kompaniialardy tartyp, 5 jyldyń ishinde 400-den astam jataqhana salyndy.
Sondai jobalardyń biri retinde kásipker Baýyrjan Káribjanov Almatyda qalaǵa kelgen stýdentterdi ornalastyratyn jataqhana salyp, qoldanysqa berip jatyr.
- Bul jataqhana 4 qabattan turady. Ár qabatta 12 páter bar. Bir páterde eki jatyn bólme bar, ár bólmede 4 stýdent turady. Páterdiń ishinde barlyq jaǵdai jasalǵan – zamanaýi ashana, tońazytqysh, kir jýatyn mashina, jýynatyn bólme men dárethana bar. Sonymen qatar ǵimarat órt qaýipsizdigi júiesimen jabdyqtalǵan, órt datchikteri ornatylǵan. Qaýipsizdikke erekshe kóńil bóldik. Stýdentterdi jataqhanaǵa 1 qyrkúiekten bastap kelisimshart negizinde qabyldai bastaimyz, – dedi investor.
Osylaisha, Almatyda Sitýatsiialyq ortalyqtyń iske qosylýy stýdentterdiń turmys jaǵdaiyn jaqsartý jáne bilim alýshy jastardy qoljetimdi turǵyn úimen qamtamasyz etý boiynsha keshendi jumystardyń taǵy bir qadamy boldy.
