Almatyda 3–12 tamyz aralyǵynda Halyqaralyq jastar kúnine arnalǵan «Alma Love» merekelik onkúndigi bastaldy. Joba Almaty qalasy Jastar saıasaty basqarmasynyń, ákimdik janyndaǵy jobalyq keńseniń qoldaýymen júzege asyrylyp jatyr. Bul qala turǵyndaryna, ásirese belsendi jastarǵa arnalǵan mádenı, sporttyq, ekologıalyq jáne shyǵarmashylyq is-sharalardy usynady,- dep habarlaıdy Dalanews.kz
Onkúndiktiń alǵashqy jarqyn is-sharasy – qaladaǵy kóshe bı toptary men kásibı bıshilerdi jınaǵan «ALL STYLES BATTLE» bı battly boldy. Qatysýshylar túrli stılde óner kórsetip, naǵyz merekelik kóńil-kúı syılady.
Aldaǵy kúnderi almatylyqtardy jastar arasynda ekologıalyq mádenıetti damytýǵa baǵyttalǵan ekoaksıalarǵa qatysý, startaptar men kreatıvti ıdeıalardy tanystyratyn jastar jáne áleýmettik jobalar kórmesi, kvest oıyndar men ulttyq sport túrlerinen sporttyq jarystar kútedi. Sondaı-aq, merekelik baǵdarlamada jas oryndaýshylarǵa arnalǵan Open Mic formatyndaǵy konsert pen jastar oıyn aıtyp, qala ortasyn jaqsartýǵa usynystar bere alatyn dıalog alańy da bar.
Onkúndiktiń sharyqtaý shegi 12 tamyz kúni Balýan Sholaq atyndaǵy sport saraıynda qazaqstandyq estrada juldyzdarynyń qatysýymen ótetin «Alma Love» qorytyndy festıvali bolmaq. Kirý tegin.
«Jastardyń damýyna jaǵdaı jasaý jáne olardyń bastamalaryn júzege asyrý – bizdiń basty mindetterimizdiń biri. Osy onkúndik aıasynda túrli formattaǵy sharalardy qamtyp, ártúrli qyzyǵýshylyqtary bar jastardy biriktirýge tyrystyq. Barlyq almatylyqty belsendi qatysyp, merekelik atmosferany birge sezinýge shaqyramyz», — dedi Almaty qalasy Jastar saıasaty basqarmasynyń basshysy Azız Kajdenbek.
Onkúndik is-sharalar baǵdarlamasy:
|
№ |
İs-sharanyń ataýy |
Sıpattamasy |
Ótkizý orny |
Kúni |
|
1 |
EcoVibe |
Jastar arasyndaǵy eko - chellendj, tazartý jáne qalaǵa qamqorlyq kórsetý. Sonymen qatar eko-fest ótkiziledi |
aýlalar men Arbat alańy, Saıran kóliniń shyǵys bóligi |
05.08.2025 j. |
|
2 |
Graffiti Jam |
Sýretshiler, belsendiler jáne qala turǵyndary birge «Almaty – jastar qalasy» ataýymen mýral jasaıdy |
Alataý aýdany, Saıaly shaǵyn aýdany 118 |
06.08.2025 j. |
|
3 |
«Jastar joly» kvest oıyny |
Almatynyń negizgi mádenı jáne tarıhı nysandary boıynsha marshrýttarmen qalalyq kvest-oıyn. Komandalar qala tarıhyna, áleýmettik bastamalarǵa, mádenıetke jáne eriktilikke baılanysty tapsyrmalardy oryndaıdy. |
qalanyń mádenı jáne tarıhı nysandary |
07.08.2025 j. |
|
4 |
Jastar Talks |
Jastar men olardyń kýmırleri, shabyt beretin spıkerlermen ashyq áńgime júrgizýge arnalǵan dıalog alańy, onda Almaty qalasyn jaqsartýǵa qatysty ózekti máseleler talqylanady. |
komúnıtı ortalyqtar |
08.08.2025 j. |
|
5 |
Social Lab |
Jastar jáne áleýmettik jobalar kórmesi |
Aport SOO (jańa) |
09.08.2025 j. |
|
6 |
Youth nomad |
Qala bazarlarynda jumys isteıtin jastar arasyndaǵy ulttyq sport túrleri boıynsha festıvál |
Rahat bazary |
10.08.2025 j. |
|
7 |
Open mic |
Ashyq mıkrofon keshi, onda jas stendap artıseri men KTK rezıdentteri qala bazarlarynda talantyn kórsetedi, al jas vokalıster Arbatta ónerin ortaǵa salady. |
Arbat alańy, Kenjehan bazary |
11.08.2025 j. |
|
8 |
ALMA LOVE konserti |
Óz salasynyń damýyna úles qosqan jastardy marapattaý rásimimen ótetin qorytyndy konsert |
Balýan Sholaq atyndaǵy sport jáne mádenıet saraıy |
12.08.2025 j. |
