Qazaqstanda alǵash ret jasandy intellekt týraly qazaq tilinde jazylǵan «Jasandy intellekt álippesi» kitabynyń tusaýkeseri ótedi. Is-shara 11 naýryz kúni Almaty qalasyndaǵy Smart Point ortalyǵynda (Smart Space zaly, Baizaqov kóshesi, 280) saǵat 14:00-de uiymdastyrylady.
Atalǵan shara aiasynda kitaptyń tanystyrylymy ótip, jasandy intellekt salasyndaǵy ózekti máseleler jan-jaqty talqylanady. Sonymen qatar, IT, kiberqaýipsizdik, biotehnologiialar jáne jasandy intellekttiń bolashaǵy týraly pikir almasý alańy uiymdastyrylady.
Jasandy intellekt jáne Qazaqstan
Álemde jasandy intellekt qarqyndy damyp, kóptegen salaǵa áser etýde. 2024 jyly JI tehnologiialaryn qoldaný álemdik naryqta 190 milliard dollardan asty. Qazaqstan da bul úrdisten tys qalmai, jasandy intellekt baǵytynda belsendi damyp keledi. JI-di qoldaný arqyly óndiris, meditsina, bilim berý jáne qarjy salalarynda aitarlyqtai jetistikterge qol jetkizilip jatyr.
Kitaptyń avtory Meiirjan Áýelhanuly oqýlyqtyń mańyzdylyǵyn atap ótip:
– Bul kitap – qazaq tilindegi jasandy intellekt álemine alǵashqy jolbasshy. Biz tehnologiialyq ózgerister dáýirinde ómir súrip jatyrmyz, sondyqtan jasandy intellekt negizderin bilý árbir azamat úshin mańyzdy. Kitapta tek teoriia ǵana emes, naqty tájiribelik qoldaný múmkindikteri de qamtylǵan, – dedi.
Belgili jýrnalist Qainar Oljai kitap qoljazbasymen tanysyp, onyń mazmuny men sapasyna joǵary baǵa berdi:
– Qoljazba óte saýatty jazylǵan. Jasandy intellekt týraly qazaqsha málimet alý qiyn kezde, bul eńbek saladaǵy úlken jetistik. Kitapta JI ónimin usynatyn kompaniialar, negizgi terminder men praktikalyq tapsyrmalar qamtylǵan. Mundai muqiiat daiyndalǵan eńbekti oqý – úlken ǵanibet, – dep pikir bildirgen bolatyn.
AI-Hub Publishing – jasandy intellektke arnalǵan jańa baspa
AI-Hub tek qana jasandy intellekt tehnologiialaryn zertteýmen ǵana emes, osy saladaǵy bilim berýdi damytýǵa da úles qospaq. AI-Hub Publishing aldaǵy ýaqytta jasandy intellekt, IT, kiberqaýipsizdik jáne biotehnologiialar taqyrybynda qazaq tilindegi ǵylymi-kópshilik kitaptardy basyp shyǵarýdy josparlap otyr.
