Almatyda jol-kólik oqiǵasy saldarynan úsh adam qaza tapty, dep habarlaidy Dalanews.kz
Qaiǵyly oqiǵa 21 naýryzǵa qaraǵan túni saǵat 03:30 shamasynda Medeý aýdanynda bolǵan. Aldyn ala málimet boiynsha, Zeekr avtokóliginiń júrgizýshisi Ál-Farabi dańǵyly boiymen batys baǵytta kele jatyp, Meńdiqulov kóshesimen qiylysta qarsy jolaqqa shyǵyp ketken. Sonyń saldarynan shyǵys baǵytta kele jatqan Mercedes kóligimen soqtyǵysqan.
Jol apatynyń nátijesinde Mercedes kóliginiń júrgizýshisi men onyń eki jolaýshysy oqiǵa ornynda kóz jumdy. Al Zeekr avtokóliginiń júrgizýshisi túrli dene jaraqattarymen aýrýhanaǵa jetkizilgen.
Atalǵan derek boiynsha Almaty qalalyq Politsiia departamentiniń anyqtaý basqarmasy qylmystyq is qozǵady. Qazirgi ýaqytta sotqa deiingi tergeý amaldary júrgizilip jatyr.
