Almatyda ál-Farabi dańǵylynda bolǵan jol apatyna qatysty is sotqa joldanady. Bul týraly ishki ister ministriniń orynbasary Sanjar Ádilov málimdedi, dep habarlaidy dalanews.kz.
Onyń aitýynsha, tergeý aiaqtalýǵa jaqyn. Aldaǵy kúnderi is materialdary aldymen jábirlenýshi tarapqa, keiin kúdikti men onyń qorǵaýshylaryna tanysý úshin beriledi. Osydan soń is sotqa jiberiledi.
Aita keteiik, qaiǵyly oqiǵa 21 naýryzǵa qaraǵan túni ál-Farabi dańǵyly men Mendiqulov kóshesiniń qiylysynda bolǵan edi. Joǵary jyldamdyqpen kele jatqan Zeekr kóligi qarsy jolaqqa shyǵyp ketip, Mercedes-Benz kóligimen soqtyǵysqan.
Jol apaty saldarynan Mercedes kóliginiń 29 jastaǵy júrgizýshisi, 20 jáne 22 jastaǵy eki jolaýshysy oqiǵa ornynda qaza tapty.
