Asa aýyr qylmystardy jasaǵany úshin kúdikti Ázerbaijannan ekstraditsiialandy, dep habarlaidy Dalanews.kz.
Qazaqstan Respýblikasynyń Bas prokýratýrasy men Ishki ister ministrliginiń qyzmetkerleri Qazaqstannyń Ázerbaijandaǵy Elshiliginiń kómegimen asa aýyr qylmystar, onyń ishinde adam óltirý men qaraqshylyq jasaǵany úshin izdeýde júrgen Qazaqstan azamatyn Ázerbaijan Respýblikasynan ekstraditsiialady.
Ótken jyldyń qazanynda kúdikti basqa adammen top bolyp, tanys kásipkerdi kezdesýge aldap shyǵaryp, sonyń barysynda ony esinen tanǵanǵa deiin uryp-soǵyp, jalpy quny 40 mln teńgege jýyq múlkin iemdenip, keiin Almaty qalasynyń syrtyna alyp shyǵyp, óltirgen.
Kúdiktilerdiń biri izin sýytpai ustalyp, al ekinshisi jasyrynyp, oǵan halyqaralyq izdeý jariialandy.
Aǵymdaǵy jyldyń qańtarynda ol Ázerbaijan aýmaǵynda ustalyp, Qazaqstan Bas prokýratýrasynyń suraýy boiynsha otanyna ekstraditsiialandy. Qazirgi ýaqytta ol tergeý izoliatoryna qamaldy.
Aiyptalǵan qylmystardy jasaǵany úshin múlkin tárkilep, 20 jylǵa deiingi merzimge bas bostandyǵynan aiyrý nemese ómir boiyna bas bostandyǵynan aiyrý túrindegi jazalar kózdelgen.
Eske salaiyq, byltyr qazanda Almaty oblysynda Lenovo kompaniiasynyń GR direktory Ermek Jaqypjanovtyń denesi tabylǵan edi.
9 qazanda Ermek Jaqypjanov Almaty qalasyndaǵy úiinen óziniń qarasur tústi Hyundai Genesis kóligimen shyǵyp ketip, qaita oralmaǵan.
Jaqypjanov Lenovo kompaniiasynda 1,5 jyl boiy GR direktory (memlekettik mekemelermen bailanys jónindegi maman) qyzmetin atqarǵan.
