Almatyda indet juqtyrǵandar eki esege ósti. Mamandar belsendi vaktsinalanýǵa shaqyrady
7 shildedegi jaǵdai boiynsha qalada koronavirýstyq infektsiianyń 76407 jaǵdaiy tirkeldi, onyń 59660-y simptomdy jáne 16747-si simptomsyz, anyqtalmaǵan pnevmoniia – 2013. 6 shildede koronavirýs infektsiiasynyń 299 jaǵdaiy tirkeldi, onyń 259-y simptomdy, 40-y simptomsyz. Táýliktik ósim – 0,3%. Reprodýktivti sany – 1,353.
Infektsiialyq statsionarlarda 1131 adam (80 bala) emdelýde, onyń 33-iniń jaǵdaiy óte aýyr, 256-sy aýyr, 842-si ortasha aýyrlyq dárejesinde. Reanimatsiia men intensivti terapiia bólimderinde 102 patsient jatyr. ÓJJ apparatynda – 19, invazivti emes ÓJJ apparatynda – 34, High flow apparatyndaǵylar – 22.
Búgingi kúni AMSK men Telemeditsina ortalyǵynyń mobildi toptarynyń baqylaýymen 2306 naýqas úide jatyr, olardyń 291-i simptomsyz, 1970-i jaǵdailary jeńil jáne 45-i ortasha aýyrlyq dárejesinde.
Almatyda 7 shildedegi jaǵdai boiynsha vaktsinany 534 199 adam aldy, onyń ishinde 5 240 politsiia qyzmetkeri, 29 501 muǵalim, 34 229 dáriger. Vaktsinalanǵandardyń jalpy sanynan 60 jastan asqandar 87134 adamdy quraidy (16,3%). Qalanyń SEBD egde jastaǵy azamattardy belsendi túrde vaktsinalanýǵa shaqyrady, óitkeni vaktsina sozylmaly aýrýy bar naýqastardyń infektsiia juqtyrýlarynyń aldyn alady.
Búgingi tańda qalada meditsinalyq uiymdarda, mektepterde, mádeni-sporttyq mekemelerde, bazarlarda jáne qalanyń SOSO-da 212 ekpe pýnktteri jumys jasaýda. Quramynda 1260 adam bar 308 ekpe brigadasy jumyldyrylǵan.
