Almatyda Esentai ózeniniń jaǵalaýy kórkeitiledi,- dep habarlaidy Dalanews.kz
Almaty qalasynyń ákimdigi eldegi iri qurylys kompaniialarynyń biri – BI Group kompaniiasyn Esentai ózeniniń boiyn abattandyrý boiynsha aýqymdy jobaǵa tartty. Kelisimge sáikes, biznestiń áleýmettik jaýapkershiligi aiasynda BI Group kompaniiasy bul jobany júzege asyrýǵa 11 milliard teńgeden astam qarjy quiyp, ózen arnasy boiyndaǵy ál-Farabi dańǵylynan bastap Rysqulov dańǵylyna deiingi 7,2 shaqyrymdyq aýmaqty retke keltirmek.
Jobanyń maqsaty - qalanyń joǵarǵy jáne tómengi bóligin biriktiretin zamanaýi qoǵamdyq keńistik qalyptastyrý. Qurylys jumystary kezeń-kezeńimen júzege asady. Alǵashqy kezeń – ál-Farabi dańǵylynan Abai dańǵylyna deiingi ýchaskede abattandyrý jumystaryn biyl aiaqtaý josparlanǵan.
Joba aiasynda ózen jaǵalaýynda jaiaý júrginshiler men velosiped joldary, jańa saiabaqtar men demalys oryndary salynady. Zamanaýi qala keńistigine sai, oryndyqtar men kógaldandyrý elementteri ornatylady. Sonymen qatar, aýmaq maqsatty baǵyttar boiynsha júielenip, jastar men stýdentterge arnalǵan, mádeni jáne belsendi demalys aimaqtary, sondai-aq tynysh demalysqa arnalǵan tynyǵý oryndary qamtylady.
Sarapshylardyń pikirinshe, Esentai ózeniniń boiyndaǵy aimaq erekshe áleýetke ie. Ózen arnasy jasyl beldeýlerdi, turǵyn úi keshenderin, stýdenttik kampýstardy kesip ótedi ári mádeni-sporttyq nysandarǵa jaqyn ornalasqan. Arna boiyndaǵy bos jatqan jerler qosymsha kógaldandyrý men jańa skverler jasaýǵa múmkindik berip, qalanyń demalys pen týrizm turǵysynan tartymdylyǵyn arttyra túsedi.
Almaty ákimdigi qala keńistigin damytý jáne turǵyndar úshin qolaily orta qalyptastyrý maqsatynda áleýmettik jaýapty biznesti tartý jumystaryn júieli túrde jalǵastyra beredi.
