Almatyda 14 meditsinalyq uiym janynan jastar densaýlyq ortalyǵy ashyldy. Munda 10 ben 29 jas aralyǵyndaǵy qala turǵyndary mindetti áleýmettik meditsinalyq saqtandyrý (MÁMS) aiasynda meditsinalyq, psihologiialyq jáne áleýmettik kómek ala alady. Bul týraly Almaty qalasy Qoǵamdyq densaýlyq basqarmasynda málimdedi,- dep habarlaidy Dalanews.kz
Mundai ortalyqtardyń negizgi mindeti – jasóspirimder men jastarǵa dárigerler men psihologtardan keńes alýǵa, jeke jáne áleýmettik máselelerdi sheshýge, salaýatty ómir salty týraly bilim alýǵa múmkindik beretin senimdi orta qalyptastyrý. Munda ótinishterdiń qupiia túrde qarastyrylýyna kepildik beriledi.
Reprodýktivti densaýlyqqa, jynystyq jolmen beriletin infektsiialardyń aldyn alýǵa jáne otbasylarǵa psihologiialyq qoldaý kórsetýge basa nazar aýdarylady. Jeke konsýltatsiialardan basqa mamandar treningter, seminarlar, sporttyq jáne mádeni is-sharalar uiymdastyrady.
№36 qalalyq emhana janyndaǵy «Salaýatty jastar» ortalyǵy sondai tabysty jobalardyń biri. Byltyr ǵana bul ortalyqtyń qyzmetin shamamen 2,5 myń almatylyq paidalanǵan. Onyń bazasynda qurylǵan eriktiler klýbynda Naýryzbai aýdanynyń oqýshylary toppen jumys isteýdi, kóshbasshylyqty jáne áleýmettik jobalardy júzege asyrýdy úirenedi.
«Buryn dárigerge suraq qoiýǵa qymsynatynmyn. Al bul ortalyqta ózimdi erkin sezinemin. Mundaǵy mamandardyń bári ashyq-jarqyn. Áńgimelesip, syrlasýǵa da bolady. Bul maǵan úlken qoldaý beredi», – deidi ortalyqqa kelýshi jastyń biri.
Aita keteiik, jastar densaýlyq ortalyqtary №4, 5, 7, 11, 12, 16, 23, 26, 29 jáne 36 qalalyq emhanalarda, sondai-aq, Medeý aýdandyq QPMSK-de, «Almaty clinic» meditsinalyq ortalyǵynda, QAUÓO men «Medservishirýrgiiada» jumys istep tur. Bul ortalyqtarǵa jasóspirimder men jastar tirkeýine nemese turǵylyqty jerine qaramastan júgine alady.
