Aldaǵy ýaqytta Almaty qalasynda elektromobilderge arnalǵan qýattaý stantsiialary paida bolyp, olar qala turǵyndarynyń paidalanýyna barynsha yńǵaily bolmaq, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
«Almaty» ÁKK» AQ enshiles uiymy «Almaty Finance» 28 jańa joǵary jyldamdyqty qýattaý stantsiiasyn ornatýǵa 163 mln teńge bóldi. Bul qarajat «Almaty Business – 2025» baǵdarlamasy jáne jasyl ekonomikany damytý strategiiasy sheńberinde elektr zariadtarynyń infraqurylymyn keńeitýge baǵyttalǵan.
– 2023 jyly Almatyda avtokólik quraldarynyń ziiandy zattar shyǵaryndylarynyń kólemi 112 myń tonnadan asty, bul shyǵaryndylardyń jalpy kóleminiń 60%-yn qurady. Elektromobilderge kútim jasaýǵa úshin qolaily jaǵdai jasaý kólikti elektrlendirý jolyndaǵy mańyzdy qadam bolyp tabylady, nátijesinde qala ekologiiasy jaqsarady, – dep atap ótti «Almaty Finance» JShS Basqarma tóraǵasynyń orynbasary Juldyz Igenov.
Aita keteiik, elektromobilderge jaǵdai jasaý arqyly megapolistiń ekologiiasyn jaqsartýǵa bolady, qaladaǵy ziiandy zattar shyǵaryndylarynyń 60%-y avtokólikterge tiesili ekenin eskergen jón.
2023 jyly Almatyda avtokólik quraldarynyń ziiandy zattar shyǵaryndylarynyń kólemi 112 myń tonnadan asty.
Almatynyń ekologiialyq ahýalyn jaqsartý úshin elektromobilderge arnalǵan infraqurylymdy damytý qajet. Bul jaiynda ótken jyly Memleket basshysy Qasym-Jomart Toqaev qalany damytý máseleleri jóninde keńeste aityp, naqty tapsyrmalar bergen bolatyn. Óz kezeginde Prezident Almatynyń ekologiialyq ahýalyn jaqsartý úshin qaladaǵy kólik qozǵalysyn rettep, elektromobilderge arnalǵan infraqurylymdy damytý qajet ekenin aitqan bolatyn.
Almaty qalasy ákimi Erbolat Dosaev 2025 jyldyń sońyna deiin qaladaǵy qoǵamdyq kólik salasy tolyqtai ekologiialyq standartqa kóshiriletinin jetkizgen edi. Budan basqa ákimdik qalada qajetti infraqurylymdy damytý arqyly halyqtyń elektromobilge degen suranysyn arttyrý múmkindikteri qarastyrýda.
2024 jyldyń qyrkúiek aiyndaǵy málimetterge sáikes, Qazaqstanda 10 674 elektromobil tirkelgen, bul ótken jylmen salystyrǵanda 2,3 ese kóp. Olardyń jartysynan astamy Almaty qalasynda tirkelgenin aita ketýimiz kerek. Osylaisha, Almaty qalasynda shamamen 5 000-nan astam elektromobil bar dep aitýǵa bolady.
Almaty elimizdegi eń iri megapolisi ári ekologiialyq máseleleri ózekti qala. Qala halqynyń kóbeiýi, kólik sanynyń artýy jáne óndiris oryndarynyń kóptigi aýanyń lastaný deńgeiin kóterip, ekologiialyq tepe-teńdikti saqtaýdy qiyndata túskeni jasyryn emes. Osy turǵyda elektromobilder ekologiiany jaqsartý jáne qala turǵyndarynyń ómir sapasyn arttyrýda mańyzdy ról atqara alady.
Elektromobilder aýany lastaityn ziiandy gazdardy shyǵarmaidy, bul Almaty siiaqty aýasy jii lastanatyn qala úshin óte mańyzdy. Jyl saiyn qalada avtokólikterden shyǵatyn ziiandy qaldyqtar kólemi 112 myń tonnadan asady. Elektromobilderdi qoldaný osy máseleni aitarlyqtai azaitýǵa múmkindik beredi.
Elektromobilderdi paidalaný janarmai shyǵyndaryn boldyrmaidy, al elektr qýatyn paidalaný ekonomikalyq turǵydan tiimdi. Almaty qalasynda elektr qýaty salystyrmaly túrde qoljetimdi, bul elektromobil ielerine qarjy únemdeýge kómektesedi.
Elektromobilderge arnalǵan qýattaý stantsiialarynyń sanynyń artýy Almatynyń zamanaýi infraqurylymyn damytýǵa múmkindik beredi. Bul tek elektromobil ielerine emes, búkil qala turǵyndaryna qolaily jaǵdai jasaidy. Sonymen qatar, infraqurylymnyń damýy Almatyny ekologiialyq taza tehnologiialardy qoldaityn aldyńǵy qatarly qalalardyń qataryna qosa alady.
Elektromobilder Almaty qalasynyń ekologiialyq jaǵdaiyn jaqsartyp qana qoimai, onyń zamanaýi, tehnologiialyq jáne turaqty damýyna úles qosatyny sózszi. Jergilikti bilik pen turǵyndardyń bul úrdiske qoldaý kórsetýi qala ekologiiasynyń jaqsarýyna jáne turǵyndardyń ál-aýqatynyń artýyna aitarlyqtai yqpal etedi. Elektromobilder – Almatynyń jasyl bolashaǵyna jasalǵan mańyzdy qadam.
