Burynǵy depýtattyń ulyna qatysty qylmystyq is Almaty sotynyń qaraýyna jiberildi. Ol byltyr naýryzda Almatydaǵy "Merkýr Taýers" turǵyn úi kesheniniń kúzetshisin birneshe ret kóligimen qaǵyp, soqqyǵa jyqqan, - dep habarlaidy Dalanews.kz qalalyq sottyń baspasóz qyzmetine silteme jasap.
"Almaty Qylmystyq ister jónindegi mamandandyrylǵan aýdanaralyq sotyna Qazaqstan Respýblikasy Qylmystyq kodeksiniń 99-baby 2-bóligi 5) tarmaǵy ("Asa qatygezdikpen jasalǵan adam óltirý") jáne 147-baby 5-bóligi ("Adamnyń jeke ómiri týraly málimetterdi onyń kelisiminsiz taratý") boiynsha sotqa berilgen T.-ǵa qatysty qylmystyq is kelip tústi. Birinshi epizod boiynsha sottalýshy 2024 jyldyń naýryzynda Almatydaǵy turǵyn úi keshenderiniń biriniń kúzetshisin óltirdi dep aiyptalyp otyr", – delingen habarlamada.
Sonymen qatar, tergeý sottalýshyǵa óziniń tanysy A.-nyń qatysýymen túsirilgen pornografiialyq beinematerialdardy áleýmettik jeliler arqyly taratty degen aiyp taǵyp otyr. Qazirgi ýaqytta sot otyrysynyń ýaqyty belgilenbegen.
Eske salaiyq, jol talǵamaityn kóligimen kúzetshini birneshe ret qaǵyp, keiin kóliginen túsip ony soqqyǵa jyqqan er adamnyń áreketi videoǵa túsip qalǵan bolatyn. Kúzetshi aýyr jaǵdaida aýrýhanaǵa jetkizilip, sol jerde kóz jumdy.
