Almatynyń Dostyq kóshesiniń boıynda elıtalyq turǵyn úı keshenderi men ózge de nysandar boı kóterip jatyr. «Kýrsıv» basylymy bul qurylys jobalaryna kimderdiń qatysy baryn jáne taýly aımaqtar qalaı ıgerilip jatqanyn anyqtap kórdi, dep habarlaıdy Dalanews.kz.

Bellagio meıramhanasynyń janynda, Malaıa Almatınka ózeniniń boıynda «Dýbrovka» turǵyn úı kesheni salynyp jatyr. Qurylysqa tapsyrys berýshi — «River Park Esentai» JSHS, onyń quryltaıshylary — Sársen Nabıev pen Amırhan Nabıev. Aıta ketý kerek, Amırhan Nabıev— 2014 jyldan beri Amanat (burynǵy «Nur Otan») partıasynan Almaty qalalyq máslıhatynyń depýtaty.

Al Samal Resort & SPA qonaq úıi men meıramhanasynyń qarsy betinde kóz tartarlyq jańa nysan boı kóterýde. Bul joba týraly reseılik restorator Aleksandr Orlov Instagram paraqshasynda jarıalap, ony Queen Mountain Resort dep ataǵan.