Qostanai oblysynda 21 jastaǵy jigit izdestirilip jatyr. Ol 26 sáýirde Almatyǵa jumysqa ketip, sodan beri bailanysqa shyqpaǵan, dep habarlaidy Dalanews.kz.
Izdeý jumystary týraly aqparatty "Dos" izdestirý-qutqarý jasaǵynyń eriktileri jariialady. Málimetke súiensek, Roman Iýrtsevich Qostanaidan Almatyǵa jumysqa attanǵan. Onyń janynda Pýma esimdi iti de bolǵan. Ittiń moinynda altyn tústi shynjyr baýy bolǵany aityldy.
Joǵalǵan jigittiń boiy shamamen 180 santimetr, dene bitimi ortasha, kózi kók. Oń aiaǵynda jylan oralǵan bas súiek beinesindegi tatýirovkasy bar.
Qazir onyń naqty qaida ekeni belgisiz. Eriktiler qandai da bir aqparat biletin azamattardy 102 nómirine habarlasýǵa shaqyrdy.
