Qalada tiimdi kólik qozǵalysyn basqarý maqsatynda Almaty ákimdigi men Qytaidyń Inspur memlekettik kompaniiasy 2025 jyly sáýirde Almatynyń Ziiatkerlik kólik júiesi (ITS) tujyrymdamasyn ázirledi. Bul týraly qala ákiminiń 2025 jyly 1-30 sáýir aralyǵyndaǵy Prezidentke bergen esebinde aityldy,- dep habarlaidy Dalanews.kz
Joba boiynsha kelisimshart 2025 jyly 20 mamyrǵa deiin jasalyp, júie 2026 jyldyń tamyzyna deiin iske qosylady.
Sondai-aq 2025 jyldyń sońyna deiin qalalyq qoǵamdyq kólikti 100% ekologiialy etý kózdelgen. Biyl 29 sáýirde 600 gazben júretin jáne 200 elektr avtobýsty satyp alýǵa baiqaý jariialandy. Jeke tasymaldaýshylar óz tarapynan 800 gazben júretin jáne 118 elektr avtobýsty satyp alýdy josparlap otyr.
Elektr kóligi infraqurylymyn damytý maqsatynda 2025 jyly aqpannan bastap 6 investorǵa 233 elektr zariadtaý stantsiiasyn ornatýǵa tehnikalyq sharttar berildi.
Sonymen qatar, «jasyl» obligatsiialar esebinen 100 elektrobýs satyp alyp, 10 trolleibýs qosalqy stantsiiasyn jańǵyrtýǵa qujattar daiyndaldy.
Buǵan deiin habarlanǵandai, Almaty ákimdigi 2025 jyly alǵash ret «jasyl» obligatsiialardy elektrobýs satyp alýǵa ǵana emes, sondai-aq, Jeltoqsan kóshesindegi BRT jelisiniń qurylysyn jalǵastyrýǵa baǵyttamaq.
