Almatyda «Taza Qazaqstan» baǵdarlamasy aıasynda kóliktiń ekologıalyq taza túrleri úshin ınfraqurylymdy damytý jalǵasyp jatyr. Bıyl qalada 20 shaqyrymǵa jýyq velojol salý josparlanyp otyr,– dep habarlaıdy Dalanews.kz
Qalalyq mobıldilik basqarmasynyń habarlaýynsha, 2024 jyly qalada Saıyn - Móńke bı jolaıryǵyn salý aıasynda 2,4 shaqyrym velojol jabdyqtaldy.
«Aǵymdaǵy jyly Abaı dańǵylyn qala shekarasyna deıin jáne Saın kóshesin Rysqulov dańǵylynan Móńke bı kóshesine deıin uzartý aıasynda 7,2 km jaılastyrý josparlanýda. Sondaı-aq, Raıymbek batyr dańǵyly boıynsha BRT jelisin salý aıasynda shamamen 15 km-di jabdyqtaý josparlanýda. Jalpy, veloınfraqurylymdy júıeli damytý 2030 jylǵa deıingi Kólik qańqasynyń master-josparynda kózdelgen», - dep atap ótti basqarma.
Búgingi tańda qalada 89 km veloınfraqurylym (velojolaqtar – 25,15 km, velojoldar – 63,8 km), 73 baǵdarsham nysany, velopaıdalanýshylarǵa qyzmet kórsetýge baǵdarlanǵan 1025 jol belgisi jabdyqtalǵan.
Aıta ketý kerek, velojoldar jelisin damytý turǵyndarǵa balama joldardy usyna otyryp, qalalyq ınfraqurylymdy jaqsartýǵa yqpal etedi. Bul aýanyń gazdaný deńgeıin tómendetip qana qoımaıdy, sonymen qatar joldardaǵy kólikterdiń sanyn azaıtady, qaladaǵy jalpy kólik jaǵdaıyn jaqsarta otyryp, keptelisterdi azaıtýǵa múmkindik beredi.
