Almatyda sot sheshimimen Ońdasynov kóshesi, 37/12 mekenjaiynda ornalasqan qurylys nysany sot oryndaýshylarynyń qatysýymen buzyla bastady. Bul týraly Almatynyń Qala qurylysyn baqylaý basqarmasy málimdedi, – dep habarlaidy Dalanews.kz
Jartylai salynǵan qurylys nysany birneshe jyl boiy qaraýsyz qalǵan. Tekseris nátijesinde ǵimarattyń qatty tozǵany, korroziiaǵa ushyraǵany anyqtalyp, ony buzý qajet degen sheshim qabyldanǵan.
Buǵan deiin basqarma tarapynan menshik iesine (jeke tulǵa) kúrdeli pishindegi temirbeton qurylymyn buzý arqyly anyqtalǵan zańbuzýshylyqtardy joiý jóninde nusqama berilgen bolatyn.
Alaida nusqamada kórsetilgen talaptar oryndalmaǵandyqtan, 2024 jyly 29 qańtarda basqarma Bostandyq aýdandyq sotyna májbúrlep oryndatý týraly talap aryz joldaǵan.
2024 jyly 27 mamyrda sot basqarmanyń talap aryzyn qanaǵattandyrdy. Sodan keiin is Ádilet departamentine oryndaýǵa berildi.
