Almatyda zeinet jasyndaǵy adamdar mádeni, shyǵarmashylyq, sporttyq jáne iskerlik ómirge áleýmettendirý, olardyń fizikalyq jáne psihikalyq densaýlyǵynyń uzaqtyǵyn arttyrý úshin belsendi uzaq ómir súrý ortalyqtary jumys isteidi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Ortalyqta ioga, aikýne, skandinaviialyq serýendeý jáne EDSh jattyǵýlary ótedi. Zeinetkerlerge gerontolog, kineziolog-psiholog, zańgerler keńes beredi. Sondai-aq, bi, vokal, qazaq jáne aǵylshyn tilderi, shahmat, toǵyzqumalaq, beineleý óneri, hendmeid, IT saýattylyq, garden-terapiia, jadty nyǵaitý tehnikasy jáne t.b. dáristerge qatysady.
Ortalyqtardyń qurylýy egde jastaǵy azamattarǵa qoǵam ómiriniń túrli salasyna atsalysýǵa, olardyń ál-aýqaty men ómir súrý sapasyn jaqsartýǵa múmkindik berdi.
Jazdyń birinshi jartysynda Belsendi uzaq ómir súrý ortalyǵy birqatar mańyzdy is-shara uiymdastyryldy, ortalyqtyń shyǵarmashylyq ujymdary halyqaralyq baiqaýlar men festivalderdiń jeńimpazdary atandy.
«Dancing Queens» bi ansambli «Astana smart dance» halyqaralyq bi baiqaýyna qatysyp, Astanada Bas júlde aldy.
«Almaty ájeleri» jas modelder toby Qyrǵyzstandaǵy halyqaralyq etno-festivalde 1-oryn ielendi. Etnostildegi jarqyn kiimder, talǵampaz jastaǵy áielderdiń defilesi, almatylyq ájeler kórsetken ulttyq áshekeiler kórermenderdiń kóńilinen shyqty. Biyl toptyń qurylǵanyn bir jyl boldy. Osy ýaqyt ishinde «Almaty ájeleri» 26 ret óner kórsetti. Jas modelderi Italiiadaǵy halyqaralyq sán aptalyǵyna qatysty, Túrkiiadaǵy etnofestivalge qatysty.
«Ainalaiyn asyl áje» ansambli Tashkenttegi halyqaralyq óner festivalinde Bas júldege ie boldy.
Almatynyń Belsendi uzaq ómir súrý ortalyǵyna qalai kirýge bolady
Almaty qalasynyń árbir zeinetkeri (61+ áiel jáne 63+ er adam) «Almaty qalasynyń belsendi uzaq ómir súrý ortalyǵy» KMM jáne onyń bólimshesine júgine alady. Ózińizben birge jeke kýáligińiz jáne zeinetaqy kýáligińiz bolýy qajet. Tirkeý, sabaq pen keńes berý tómende kórsetilgen mekenjailar boiynsha júrgiziledi:
- Qalalyq BUÓSO: Máýlenov kóshesi, 46a
- Medeý aýdany BUÓSO KMM bólimshesi: Tóle bi kóshesi, 24 b.
- Bostandyq aýdany BUÓSO KMM bólimshesi: Seifýllin dańǵyly, 597
- Bostandyq aýdany, Balýan Sholaq BUÓSO KMM bólimshesi: Abai dańǵyly, 44
Sonymen qatar, Almatyda barlyǵy 15 belsendi uzaq ómir súrý ortalyǵy bar, onyń ishinde 11 aýdandyq Belsendi uzaq ómir súrý ortalyǵy úkimettik emes uiymdar bazasynda memlekettik áleýmettik tapsyrys arqyly tirkeýge bolady.
Belsendi uzaq ómir súrýdiń aýdandyq ortalyqtary:
- Almaly aýdany: Jeltoqsan kóshesi, 29
- Áýezov aýdany: Tastaq-1 sh/a., 3 úi
- Áýezov aýdany: Amanjol, 12a
- Alataý aýdany: Atletikalyq aýyly, Nurkent-5 sh/a., 22 korpýs
- Bostandyq aýdany: Shúkenov kóshesi, 66a
- Jetisý aýdany: Ainabulaq-2 sh/a., 32/2
- Jetisý aýdany: Kemel sh/a., Esimhan, 127 a
- Medeý aýdany: Jangeldin kóshesi, 31
- Medeý aýdany: Dýman sh/a., Bolashaq kóshesi, 12
- Naýryzbai aýdany: Qalqaman-2 sh/a., Áshimov kóshesi, 299
- Túrksib aýdany: Poddýbnyi kóshesi, 65
