Mınıstrdiń aıtýynsha, zań jobasy aıasynda negizinen jýrnalısiń mártebesi, quqyqtyq qorǵalýy, memlekettik tapsyrys jáne basqa taqyryptar boıynsha talqylaý júrip jatyr.
Jumys tobynyń 63 múshesinen ózge sarapshylar da qatysyp jatyr. Sarapshy bolyp qatysýǵa eshqandaı shekteý joq, bári qatysa alady. BAQ jónindegi zań aıqyn talqylaný kerek.
Mınıstr áleýmettik jelini qoldanýshylar da aqparat taratýmen aınalysyp jatqanyn aıta kele, olarǵa da erekshe mártebe berý jaǵyn qarastyratyndaryn jetkizdi.
– Qazir áleýmettik jelide kóptegen pablıkter jýrnalıser sıaqty aqparat taratyp júr. Jumys tobyndaǵylar olarǵa BAQ komýnıkasıasy degen mártebeni qaıtarýdy qoldap otyr. Ekinshi jaǵynan jýrnalıser mamandyǵy joq ondaı alańdarmen ózderin shatastyrǵysy kelmeıdi jáne bólek jýrnalısik mártebe berýlerin surap tur. Talqylaýdan keıin bir toqtamǵa kelýimiz qajet, – dedi ol.
Asqar Omarov jýrnalıser nege baspana baǵdarlamasyna jáne basqa da jeńildikterge ıe bola almaı otyrǵanyn aıtty.
– Qazir jýrnalıserdiń keıbiri memlekttik BAQ-ta istese, taǵy biri jekemenshikte jumys istep júr. Qazir jýrnalıs degen kim ekenin naqtylap alýymyz kerek. Jýrnalıserdi áleýmettik baǵdarlamaǵa engizsek, erteń jalǵan jýrnalıser kóbeıip ketedi. Redaksıaǵa tirkelip, jalǵan kýálik alyp alatyndar shyǵady. Jýrnalısik dıplomy bar adam jýrnalıs pe, álde osy salada bes jyldan kem emes jumys istegen adam jýrnalıs pe? Mine qazir osy jaǵyn naqtylap alýymyz kerek, – dedi mınıstr.
