Almatyda kólikterdi aiypturaqqa jetkizý qyzmetin aqyly etý máselesi qarastyrylyp jatyr. Bul týraly qalalyq mobildilik basqarmasyna qarasty “Almaty parking” kommýnaldyq kásiporny Informburo redaktsiia saýalyna bergen jaýabynda málimdedi, dep habarlaidy Dalanews.kz.
“Qazirgi ýaqytta kólik quraldaryn evakýatsiialaý qyzmetin aqyly etý máselesi ýákiletti organmen birlesip qarastyrylýda. Tiisti sheshimder qabyldanǵan soń, bul týraly halyqqa resmi túrde habarlanady”, – delingen habarlamada.
Qazirgi tańda kólikterdi evakýatsiialaý men olardyń aiypturaqta turýy tegin. Alaida “Jol júrisi týraly” zańda bul jaǵdaidy ózgertýi múmkin norma bar. Atalǵan ózgeris elorda men respýblikalyq mańyzy bar qalalardy damytýǵa qatysty jańa zańda kórsetilgen. Soǵan sáikes, máslihattarǵa jol qozǵalysyn uiymdastyrý jáne retteý erejelerin – kólikterdi arnaiy turaqqa evakýatsiialaý sharttaryn, qyzmet qunyn jáne kólikti qaitarý tártibin bekitý quqyǵy berilgen.
Al kólikterdiń aiypturaqta turýy aqyly bola ma – bul suraqqa kompaniia naqty jaýap bergen joq.
