Búgin Almaty qalasyndaǵy Mahatmy Gandi saiabaǵynda Dúniejúzilik nashaqorlyqqa qarsy kúres kúnine jáne esirtkige qarsy ailyqtyń aiaqtalýyna arnalǵan qalalyq “AntiDOPE Fest” esirtkige qarsy festivali ótti. Sharany Almaty politsiiasy, Jastar saiasaty basqarmasymen qalalyq prokýratýranyń qoldaýymen uiymdastyrdy.
Festivalge ákimdiktiń, quqyq qorǵaý organdarynyń, belgili sport jáne jastar uiymdarynyń ókilderi qatysty. Qonaqtar motivatsiialyq kezdesýlerge, sporttyq jarystarǵa jáne taqyryptyq interaktivti is-sharalarǵa qatysa aldy, sondai-aq eriktiler men qoǵamdyq belsendilerdiń ónerlerin tamashalai aldy.
Festival aiasynda “Narkostop” jobasyna erekshe nazar aýdaryldy. Jastar arasynda nashaqorlyqtyń aldyn alýǵa qosqan úlesi úshin úzdik eriktiler alǵys hattarmen jáne estelik syilyqtarmen marapattaldy.
– Búgin biz esirtkiniń zańsyz ainalymyna qarsy kúres týraly ǵana emes, sonymen qatar árbir jastyń durys tańdaý jasaýy kerek ekenin aityp otyrmyz. Mundai is-sharalar belsendi ómir súrý, ziiandy ádetterden aýlaq bolý, qoǵamǵa paida ákelý – bul jai ǵana múmkin emes, sonymen qatar bedeldi ári zamanaýi ekenin kórsetedi, – dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
Festival ziiandy ádetterden sanaly túrde bas tartý mádenietin qalyptastyrý máselesinde politsiianyń, azamattyq qoǵamnyń jáne jastardyń kúsh-jigerin biriktirip, esirtkige qarsy ailyqtyń jarqyn qorytyndysy boldy.
