Almaty ákimi Darhan Satybaldy sý tazartý salasynda innovatsiialyq sheshimderimen tanymal bolǵan amerikalyq World Water Works kompaniiasynyń basshylarymen júzdesti,- dep habarlaidy Dalanews.kz
Kezdesýge QR SIM Investitsiialar komiteti tóraǵasynyń orynbasary Sultanǵali Kinjaqulov, «KAZAKH INVEST» UK» AQ basqarma tóraǵasynyń mindetin atqarýshy Aibol Arǵynǵazinov jáne World Water Works kompaniiasynyń prezidenti Amaresh Konamaneni qatysty.
Taraptar Almatyda káriz-tazartý nysanyn jańǵyrtý boiynsha birlesken jobany talqylady. Qazaqstan tarapynan megapolistiń sý burý júiesin jetildirýge baǵyttalǵan josparyn bólisti. Al World Water Works ókilderi AQSh, Eýropa jáne Aziiadaǵy aǵyn sýlardy tazartýdyń ozyq tehnologiiasyn tanystyrdy.
«Almaty úshin tazartý qurylystaryn jańǵyrtý jáne sý burý júiesiniń tiimdiligin arttyrý – basty basymdyqtardyń biri. Bul jobalar ekologiiaǵa, almatylyqtardyń ómir súrý sapasyna jáne qalanyń damýyna tikelei qatysty. Biz World Water Works kompaniiasymen seriktes bola otyryp, úlken múmkindikke qol jetkizemiz. Zamanaýi tehnologiia engizý arqyly aǵyn sýlardy tazartý deńgeiin edáýir arttyra alamyz», – dedi Darhan Satybaldy.
Sultanǵali Kinjaqulov memleket jobany júzege asyrýǵa jan-jaqty qoldaý kórsetetinin atap ótti. Onyń aitýynsha, ekologiia, infraqurylym jáne sýmen qamtý salasyna sheteldik investorlardy tartý – el úshin basty mindettiń biri. Qazaqstan biznestiń uzaq merzimdi jumys isteýi úshin jaǵdai jasap, barlyq kezeńde qoldaý kórsetip keledi.
Óz kezeginde World Water Works kompaniiasynyń prezidenti Amaresh Konamaneni uiymnyń AQSh, Kanada, Meksika, Ońtústik-Shyǵys Aziia men Taiaý Shyǵysta jobalardy sátti júrgizip jatqanyn aitty. Endi olar Ortalyq Aziia naryǵyna qadam baspaq. Sondai-aq, ol World Water Works Astanada jumys bastap ketkenin jáne Almatyny jańa jobalarǵa serpindi baǵyt retinde qarastyryp otyrǵanyn jetkizdi.
Kezdesý sońynda taraptar birlesken jobany egjei-tegjeiin talqylaýdy jalǵastyryp, memlekettik-jekemenshik áriptestik aiasynda seriktestikti tereńdetýge niet bildirdi.
