Abai oblysyndaǵy tabiǵi órt kezinde politsiia qyzmetkerleri órt oshaǵyna jaqyn ornalasqan DosbolLike balalar lagerinen 190 balany jáne 20 qyzmetkerdi qaýipsiz jerge evakýatsiialady, dep habarlaidy dalanews.kz.
Órt týraly habarlama túsken alǵashqy minýttardan bastap politseiler lagerge shuǵyl jetip, evakýatsiia jumystaryn bastaǵan. IIM ókilderi balalar arasynda úrei týǵyzbaý úshin olardy sabyrmen ári uiymdasqan túrde shyǵarǵan.
"Qazir politsiia qyzmetkerleri kúsheitilgen rejimde qyzmet atqaryp jatyr. Qaýipti aýmaq qorshaýǵa alynyp, órt oshaǵyna aparatyn joldar jabyldy, arnaiy tehnikanyń kedergisiz qozǵalysy qamtamasyz etildi. Politseiler qoǵamdyq tártipti saqtap, evakýatsiialanǵan turǵyndardyń múlkin kúzetedi. Jumys Tótenshe jaǵdailar ministrligi, Ekologiia jáne tabiǵi resýrstar ministrligi, Qorǵanys ministrligi jáne basqa da qyzmettermen birlesip, táýlik boiy júrgiziledi", - dedi IIM ókilderi.
Ishki ister ministrligi azamattardy tótenshe jaǵdailar qyzmetkerleriniń talaptaryn qatań saqtaýǵa, qaýipti aimaqqa jaqyndamaýǵa jáne arnaiy tehnikanyń jumysyna kedergi keltirmeýge shaqyrdy.
