Pavlodardaǵy bankterdiń birinde telefon alaiaqtarynyń aitqanyn oryndaǵan erli-zaiypty torttyń ishine jasyrylǵan petardany jaǵyp jibergen bolatyn. Pirotehnika jarylyp, saldarynan qart erli-zaiypty jaraqat aldy, dep habarlaidy dalanews.kz.
Pavlodar oblystyq Densaýlyq saqtaý basqarmasy málimetinshe, zardap shekkender - 75 jastaǵy áiel men 78 jastaǵy er adam. Oqiǵa ornynan ekeýi de Pavlodar oblystyq aýrýhanasyna jetkizilgen.
Dárigerlerdiń aitýynsha, áieldiń qoldary jyrtylyp, kógerip, syrylǵan. Sonymen qatar, onyń beti, moiny jáne eki qoly I-II dárejeli termiialyq kúiik alǵan. Kúiik deneniń shamamen 5 paiyzyn qamtyǵan. Sondai-aq, kózine jeńil dárejede kúiik túskeni anyqtalǵan.
"Travmatolog pen oftalmolog naýqasqa meditsinalyq kómek kórsetti. Osydan keiin ol turǵylyqty jeri boiynsha ambýlatoriialyq em alýǵa jiberildi", - dedi Pavlodar oblystyq Densaýlyq saqtaý basqarmasy ókili.
Meditsina qyzmetkerleriniń málimetinshe, er adamnyń da kózi jeńil dárejede kúigen. Oǵan oftalmologiialyq kómek kórsetilip, keiin ambýlatoriialyq emge jiberilgen.
