Astanadaǵy jeńil relsti kólik LRT tolyq jumys istegen alǵashqy aida 2,1 millionnan astam jolaýshyǵa qyzmet kórsetti. Bul kórsetkish Almaty metrosynan sál ǵana tómen. Maýsym aiynda Almaty metrosyn 2,4 million adam paidalanǵan, dep habarlaidy dalanews.kz.
Degenmen LRT jolaýshylardy uzaq qashyqqa tasymaldaǵan. Data hub málimetinshe, sonyń nátijesinde onyń jolaýshylar ainalymy 46,5 million jolaýshy-shaqyrymdy qurady. Al Almaty metrosynda bul kórsetkish 34,9 million jolaýshy-shaqyrym bolǵan.
Munyń basty sebebi – Astanadaǵy LRT baǵytynyń uzyndyǵy. Onyń jelisi 22,4 shaqyrym bolsa, Almaty metrosynyń uzyndyǵy 13,4 shaqyrym ǵana.
Aita keteiik, LRT áýejai men jańa temirjol vokzaly arasyndaǵy baǵytta 16 mamyrdan bastap qatynai bastady. Sol ýaqyttan maýsym aiynyń sońyna deiin jalpy 3,2 million jolaýshy tasymaldanǵan.
Osy bir jarym aida jolaqydan túsken tabys 503,1 million teńgeni qurady.
Eske salsaq, buǵan deiin 2025 jyly respýblikalyq biýdjetten LRT qurylysyna 300 milliard teńgeden astam qarjy jumsalǵany habarlanǵan.
