استاناداعى جەڭٸل رەلستٸ كٶلٸك LRT تولىق جۇمىس ٸستەگەن العاشقى ايدا 2,1 ميلليوننان استام جولاۋشىعا قىزمەت كٶرسەتتٸ. بۇل كٶرسەتكٸش الماتى مەتروسىنان سەل عانا تٶمەن. ماۋسىم ايىندا الماتى مەتروسىن 2,4 ميلليون ادام پايدالانعان, دەپ حابارلايدى dalanews.kz.
دەگەنمەن LRT جولاۋشىلاردى ۇزاق قاشىققا تاسىمالداعان. Data hub مەلٸمەتٸنشە, سونىڭ نەتيجەسٸندە ونىڭ جولاۋشىلار اينالىمى 46,5 ميلليون جولاۋشى-شاقىرىمدى قۇرادى. ال الماتى مەتروسىندا بۇل كٶرسەتكٸش 34,9 ميلليون جولاۋشى-شاقىرىم بولعان.
مۇنىڭ باستى سەبەبٸ – استاناداعى LRT باعىتىنىڭ ۇزىندىعى. ونىڭ جەلٸسٸ 22,4 شاقىرىم بولسا, الماتى مەتروسىنىڭ ۇزىندىعى 13,4 شاقىرىم عانا.
ايتا كەتەيٸك, LRT ەۋەجاي مەن جاڭا تەمٸرجول ۆوكزالى اراسىنداعى باعىتتا 16 مامىردان باستاپ قاتىناي باستادى. سول ۋاقىتتان ماۋسىم ايىنىڭ سوڭىنا دەيٸن جالپى 3,2 ميلليون جولاۋشى تاسىمالدانعان.
وسى بٸر جارىم ايدا جولاقىدان تٷسكەن تابىس 503,1 ميلليون تەڭگەنٸ قۇرادى.
ەسكە سالساق, بۇعان دەيٸن 2025 جىلى رەسپۋبليكالىق بيۋدجەتتەن LRT قۇرىلىسىنا 300 ميلليارد تەڭگەدەن استام قارجى جۇمسالعانى حابارلانعان.
