2025 jyly 3 maýsym men 3 shilde aralyǵynda «Alma-Arasan» – termaldy bulaq týristik baǵytyn jańartý jobasynyń ekinshi kezeńi aiasynda «Alma-Arasan» mańyndaǵy avtoturaqtan termaldy bulaqqa deiingi jol ýaqytsha jabylady. Shekteý bulaq jaǵynan «Qyzdyń kóz jasy» sarqyramasy men «Terra» alqabyna baratyn jolǵa da qatysty bolady, – dep habarlaidy Dalanews.kz
Bul sharalar kelýshiler úshin qurylys-montaj jumystarynyń qaýipsiz ári yńǵaily oryndalýyn qamtamasyz etý maqsatynda qabyldanyp otyr. Ekinshi kezeń aiasynda eski kópir qurylymdaryn buzyp, jańasyna aýystyrý, jańa soqpaqtar, baspaldaq elementteri men kóriktendirý nysandary ornatylady.
Esterińizge sala keteiik, 2025 jyly 12 mamyrdan bastap aldyn ala daiyndyq jumystary júrgizilgen bolatyn. Taý bókteri qaýipti tastan tazartylyp, qorǵanysh tor ornatýǵa arnalǵan ankerlik qurylymdar qoiyldy, soqpaqtar kóriktendirýge daiyndaldy.
Jumys júrgizilip jatqan kezde, jumys kúnderi, demalys jáne mereke kúnderi de jol tolyqtai jabyq bolady. Jóndeý jumystaryn 2025 jyly 31 shildege (aýa raiyna bailanysty merzim ózgerýi múmkin) deiin aiaqtaý josparlanǵan.
Jobanyń maqsaty – qazirgi zaman talabyna sai qaýipsiz, yńǵaily jáne ekologiialyq turaqty týristik baǵyt qalyptastyrý.
Almaty qalasynyń turǵyny men qonaǵynan «Alma-Arasan» aýmaǵynda serýendeý men ekskýrsiiany josparlaý kezinde engizilgen ýaqytsha shekteýlerdi eskerýdi suraimyz. Jóndeý jumystarynyń barysy týraly sońǵy aqparat resmi aqparattyq resýrstarda turaqty túrde jariialanyp otyrady.
