2025 جىلى 3 ماۋسىم مەن 3 شٸلدە ارالىعىندا «الما-اراسان» – تەرمالدى بۇلاق تۋريستٸك باعىتىن جاڭارتۋ جوباسىنىڭ ەكٸنشٸ كەزەڭٸ اياسىندا «الما-اراسان» ماڭىنداعى اۆتوتۇراقتان تەرمالدى بۇلاققا دەيٸنگٸ جول ۋاقىتشا جابىلادى. شەكتەۋ بۇلاق جاعىنان «قىزدىڭ كٶز جاسى» سارقىراماسى مەن «تەررا» القابىنا باراتىن جولعا دا قاتىستى بولادى, – دەپ حابارلايدى Dalanews.kz
بۇل شارالار كەلۋشٸلەر ٷشٸن قۇرىلىس-مونتاج جۇمىستارىنىڭ قاۋٸپسٸز ەرٸ ىڭعايلى ورىندالۋىن قامتاماسىز ەتۋ ماقساتىندا قابىلدانىپ وتىر. ەكٸنشٸ كەزەڭ اياسىندا ەسكٸ كٶپٸر قۇرىلىمدارىن بۇزىپ, جاڭاسىنا اۋىستىرۋ, جاڭا سوقپاقتار, باسپالداق ەلەمەنتتەرٸ مەن كٶرٸكتەندٸرۋ نىساندارى ورناتىلادى.
ەستەرٸڭٸزگە سالا كەتەيٸك, 2025 جىلى 12 مامىردان باستاپ الدىن الا دايىندىق جۇمىستارى جٷرگٸزٸلگەن بولاتىن. تاۋ بٶكتەرٸ قاۋٸپتٸ تاستان تازارتىلىپ, قورعانىش تور ورناتۋعا ارنالعان انكەرلٸك قۇرىلىمدار قويىلدى, سوقپاقتار كٶرٸكتەندٸرۋگە دايىندالدى.
جۇمىس جٷرگٸزٸلٸپ جاتقان كەزدە, جۇمىس كٷندەرٸ, دەمالىس جەنە مەرەكە كٷندەرٸ دە جول تولىقتاي جابىق بولادى. جٶندەۋ جۇمىستارىن 2025 جىلى 31 شٸلدەگە (اۋا رايىنا بايلانىستى مەرزٸم ٶزگەرۋٸ مٷمكٸن) دەيٸن اياقتاۋ جوسپارلانعان.
جوبانىڭ ماقساتى – قازٸرگٸ زامان تالابىنا ساي قاۋٸپسٸز, ىڭعايلى جەنە ەكولوگييالىق تۇراقتى تۋريستٸك باعىت قالىپتاستىرۋ.
الماتى قالاسىنىڭ تۇرعىنى مەن قوناعىنان «الما-اراسان» اۋماعىندا سەرۋەندەۋ مەن ەكسكۋرسييانى جوسپارلاۋ كەزٸندە ەنگٸزٸلگەن ۋاقىتشا شەكتەۋلەردٸ ەسكەرۋدٸ سۇرايمىز. جٶندەۋ جۇمىستارىنىڭ بارىسى تۋرالى سوڭعى اقپارات رەسمي اقپاراتتىق رەسۋرستاردا تۇراقتى تٷردە جارييالانىپ وتىرادى.
