2021 jyldan beri halyqaralyq izdeýde bolǵan 46 jastaǵy Qazaqstan azamaty Túrkiianyń Antaliia qalasynda ustalyp, elge deportatsiialandy, dep habarlaidy dalanews.kz.
Ishki ister ministrligi málimetinshe, operatsiia qazaqstandyq jáne túrkiialyq quqyq qorǵaý organdarynyń birlesken jumysy nátijesinde júzege asqan.
Tergeý nusqasyna sáikes kúdikti 2018-2020 jyldary sybailastarymen birge azamattardyń senimine kirip, 1300-den asa adamnan 6 milliard teńgeden asa qarajatty zańsyz iemdengen.
Izdeýde júrgen áiel 26 maýsymda Túrkiiadan Qazaqstanǵa jetkizildi.
Vedomstvo málimetinshe, jyl basynan beri alaiaqtyqqa qatysy bar 117 adam ustalǵan. Olardyń áreketinen kelgen jalpy materialdyq shyǵyn kólemi 17 milliard teńgeden asady.
