Mańǵystaý oblysynyń prokýratýrasy “Terminalex” JShS-ne qatysty qozǵalǵan qylmystyq isti toqtatty. Bul týraly jýrnalist Mihail Kozachkov málimdedi, dep habarlaidy dalanews.kz.
Onyń jazýynsha, buǵan deiin “SK Petroleum” JShS úshinshi tulǵanyń qaryzyn óteý esebinen “Terminalex” kompaniiasyna shamamen 6 myń tonna munai bergen. Keiin Joǵarǵy sot eki kompaniia arasyndaǵy kelisimdi jaramsyz dep tanyp, munaidy qaitarý týraly sheshim shyǵarǵan. Osydan keiin “SK Petroleum” sot sheshimi oryndalmady dep politsiiaǵa aryz túsirgen.
Alaida prokýratýra tekserý barysynda daýdyń qylmystyq emes, azamattyq-quqyqtyq sipatta ekenin anyqtaǵan. Sondai-aq qaitarylýy tiis munaidyń áldeqashan óńdelip, satylyp ketkeni belgili bolǵandyqtan, sot sheshimin oryndaý múmkin emes degen qorytyndy jasalǵan.
Buǵan qosa, prokýratýra Qylmystyq kodekstiń 430-baby boiynsha istiń zańda belgilengen merzim saqtalmai tirkelgenin de anyqtaǵan.
Osy jaittardy eskere otyryp, Mańǵystaý oblysynyń prokýratýrasy «Terminalex» JShS-ne qatysty qylmystyq isti toqtatý týraly qaýly qabyldady.
