ماڭعىستاۋ وبلىسىنىڭ پروكۋراتۋراسى “Terminalex” جشس-نە قاتىستى قوزعالعان قىلمىستىق ٸستٸ توقتاتتى. بۇل تۋرالى جۋرناليست ميحايل كوزاچكوۆ مەلٸمدەدٸ, دەپ حابارلايدى dalanews.kz.
ونىڭ جازۋىنشا, بۇعان دەيٸن “SK Petroleum” جشس ٷشٸنشٸ تۇلعانىڭ قارىزىن ٶتەۋ ەسەبٸنەن “Terminalex” كومپانيياسىنا شامامەن 6 مىڭ توننا مۇناي بەرگەن. كەيٸن جوعارعى سوت ەكٸ كومپانييا اراسىنداعى كەلٸسٸمدٸ جارامسىز دەپ تانىپ, مۇنايدى قايتارۋ تۋرالى شەشٸم شىعارعان. وسىدان كەيٸن “SK Petroleum” سوت شەشٸمٸ ورىندالمادى دەپ پوليتسيياعا ارىز تٷسٸرگەن.
الايدا پروكۋراتۋرا تەكسەرۋ بارىسىندا داۋدىڭ قىلمىستىق ەمەس, ازاماتتىق-قۇقىقتىق سيپاتتا ەكەنٸن انىقتاعان. سونداي-اق قايتارىلۋى تيٸس مۇنايدىڭ ەلدەقاشان ٶڭدەلٸپ, ساتىلىپ كەتكەنٸ بەلگٸلٸ بولعاندىقتان, سوت شەشٸمٸن ورىنداۋ مٷمكٸن ەمەس دەگەن قورىتىندى جاسالعان.
بۇعان قوسا, پروكۋراتۋرا قىلمىستىق كودەكستٸڭ 430-بابى بويىنشا ٸستٸڭ زاڭدا بەلگٸلەنگەن مەرزٸم ساقتالماي تٸركەلگەنٸن دە انىقتاعان.
وسى جايتتاردى ەسكەرە وتىرىپ, ماڭعىستاۋ وبلىسىنىڭ پروكۋراتۋراسى «Terminalex» جشس-نە قاتىستى قىلمىستىق ٸستٸ توقتاتۋ تۋرالى قاۋلى قابىلدادى.
