Almaty qalasynyń ákimi Erbolat Dosaevtyń tapsyrmasy boiynsha 2025 jyly pedagog-psihologtardy qosa alǵanda, áleýmettik sala men bilim berý qyzmetkerleriniń jalaqysy 30%-ǵa arttyrylatyn bolady. Bul týraly Almaty qalasy ákiminiń orynbasary Asqar Ámrin Almaty máslihatynyń kezekti XXVIII sessiiasynda málim etti, dep habarlaidy Dalanews.kz
Almaty ákimdigi 2025 jylǵa arnalǵan alǵashqy naqtylanǵan biýdjettiń jobasyn engizdi. Jalpy, naqtylanǵan biýdjet áleýmettik baǵdarlanǵan kúiinde qalyp otyr. Áleýmettik salaǵa arnalǵan shyǵystar 51,5 mlrd.teńgege 945,8 mlrd. teńgege deiin ulǵaiady, bul biýdjettiń jalpy shyǵystarynyń 40%-yn quraidy.
«Almaty qalasynyń ákimi Erbolat Dosaevtyń tapsyrmasy boiynsha bul biýdjet jobasy áleýmettik qamsyzdandyrý jáne bilim berý salasynyń ákimshilik jáne kómekshi personalyna, onyń ishinde pedagog-psihologtarǵa, sondai-aq vedomstvolyq baǵynysty áleýmettik mekemeler qyzmetkerlerine jalaqyny 30%-ǵa arttyrýdy kózdeidi», - dedi Asqar Ámrin.
Onyń aitýynsha, býhgalterler, kitaphanashylar, psihologtar, logopedter, áleýmettik qyzmetkerler men tehnikalyq qyzmetkerler jyldan jylǵa tómen jalaqyny saqtap keledi. Qyzmetkerlerdiń 20 314 sanaty kóterýmen qamtylatyn bolady.
Esterińizge sala keteiik, búginde depýtattar meditsinalyq personaldy qospaǵanda, meditsinalyq-áleýmettik mekemelerdiń 1 632 qyzmetkeriniń laýazymdyq jalaqysyna 30% mólsherinde yntalandyrý ústemelerin alǵash ret belgileý týraly usynysty qoldady.
